بو گون شوشا شهرینین اشغال‌دان آزاد اولونماسیندان ۵ ایل اؤتور.

Axar.az خبر وئریر کی، شهر ۲۰۲۰-جی ایل نویابرین ۸-ده آذربایجان سلاح‌لی قوه‌لرینین مظفر عالی باش کوماندانی، پرزیدنت ایلهام علیئوین رهبرلیی آلتیندا رشادتلی اردوموز طرفین‌دن دشمن تاپداغیندان آزاد اولونوب.

بئله‌لیکله، ارمنی اشغال‌چیلاریندان تمیزلنه‌ن شهرین مرکزینه آذربایجانین اوچرنگلی شانلی بایراغی سانجیلیب. ائله همین گون پرزیدنت ایلهام علیئو شهیدلر خیابانیندان خالقا مراجعتینده شوشا شهرینین اشغالدان آزاد اولوندوغونو اعلان ائدیب.

شوشا دؤیوشلری ایکینجی قاراباغ محاربه‌سینده آذربایجان اردوسونون غلبه‌سی ایله نتیجه‌لنه‌ن ان اوغورلو عملیاتلاردان بیریدیر. دؤیوشلر زمانی آذربایجان اردوسو سیخ مئشه‌لری، کئچیلمز یارغانلاری و چتین داغ کئچیدلرینی آشاراق شوشایا استقامت گؤتوروب. بئله کی، نویابرین ۷-ده اردوموز شهرین قایالیقلارینا دیرماشاراق یونگول سلاح-سورسات ایله شوشایا داخل اولوب. آذربایجان اردوسونون خصوصی تعییناتلی قوه‌لری شهره بیر چوخ استقامتدن یاخینلاشماق اوچون یوز نفرلیک گروپلارا بؤلونوبلر. دؤیوشلر زمانی شوشایا ارمنیستان طرفیندن «اسکندر» بالستیک راکتلری آتیلیب. راکتین هدفی ایسه آذربایجانلی حرب‌چیلر اولوب. بونا باخمایاراق، مظفر آذربایجان اردوسو تئزلیکله ارمنی قوشونلارینی محو ائد‌رک شهردن قوووب.

۲۰۲۱-جی ایلین ماییندا پرزیدنت ایلهام علیئوین سرانجامی ایله شوشا شهری آذربایجانین مدنیت پایتاختی اعلان ائدیلیب.

پرزیدنت ایلهام علیئوین ۲۰۲۳-جو ایل ایولون ۳۱-ده امضالادیغی سرانجاما اساساً، هر ایل نویابرین ۸-ده شوشا شهری گونو تنتنه‌لی شکلده قید ائدیله‌جک.

۲۰۲۳-جو ایل سنتیابرین ۲۵-ده قطرین دوحه شهرینده کئچیریله‌ن اسلام دنیاسی مدنیت ناظیرلرینین ۱۲-جی کنفرانسینین اشتراکچیلارینین یکدیل رایی ایله شوشا ۲۰۲۴-جو ایل اوچون اسلام دنیاسینین پایتاختی اعلان اولونوب.

خاطیرلاداق کی، شوشا شهری ۱۹۹۲-جی ایل مایین ۸-ده ارمنیستان سلاح‌لی قوه‌لری طرفیندن اشغال اولونموشدو. اشغال‌دان سونرا شهرین ۲۲ مین اهالی‌سی مجبوری کؤچکون کیمی آذربایجانین مختلف بؤلگه‌لرینده یئرلشیب. شوشانین اشغالی زمانی ۱۹۵ نفر هلاک اولوب، ۱۶۵ نفر یارالانیب. بوندان باشقا، ۵۵ نفر اسیر دوشوب و گیروو گؤتورولوب.