دنیاداکی پروسسلر او استقامتده گئدیر کی، هر بیر اؤلکه ایلک نوبه‌ده اؤز حربی پوتنسیالینی، تهلوکه‌سیزلیینی گوجله‌ندیرمه‌لیدیر.

Axar.az خبر وئریر کی، بو فکری آذربایجان پرزیدنتی ایلهام علیئو یانوارین ۵-ده یئرلی تلویزیا کاناللارینا مصاحبه‌سینده بیلدیریب.

تورک دولتلری تشکیلاتینین قبه‌له‌ده‌کی زیروه گؤروشونده آذربایجان‌دا عضو اؤلکه‌لرین بیرگه حربی تعلیملرینین کئچیریلمه‌سی تکلیفینی خاطیرلادان دولتیمیزین باشچی‌سی دئییب:

«حساب ائدیرم کی، بونا دا احتیاج وار. بیز عضو اؤلکه‌لرله ایکی‌طرفلی فورمات‌دا حربی تعلیملر کئچیریریک. طبیعی کی، ان چوخ تورکیه ایله، اما دیگر اؤلکه‌لرله ده. آنجاق بیرگه حربی تعلیملرین کئچیریلمه‌سینده هم بؤیوک رمزی معنا اولا بیلر، عینی زمان‌دا، پراکتیک نقطه‌ایی-نظردن بونا احتیاج وار».

پرزیدنت ایلهام علیئو قید ائدیب کی، بوگونکو دنیادا بین‌الخالق حقوق دئییله‌ن مسئله یوخ‌دور. بونو هر کس گرک اونوتسون. گوج وار، امکداشلیق وار، متفقلیک وار، قارشی‌لیقلی دستک وار.