وطن محاربه‌سی دؤورونده تورپاق منیم اوچون هر آزاد ائدیلمیش کندین تیمثالین‌دا، نئجه دئیرلر، اورتایا چیخیردی و هر بیر شهیدین شهید اولدوغو یئر منیم اوچون تورپاق ایدی. هر گون ایتکیلرله باغلی معلومات آلان‌دا هانسی حسلری کئچیریردیم، بونو سؤزله دئمک ممکون دئییل.

Axar.az خبر وئریر کی، بو فکری آذربایجان پرزیدنتی ایلهام علیئو یانوارین ۵-ده یئرلی تلویزیا کاناللارینا مصاحبه‌سینده دئییب.

دولتیمیزین باشچی‌سی وطن محاربه‌سی دؤورونده بیر نئچه دفعه عملیاتین استقامتینین دییشدیریلمه‌سینین، محاربه‌نین نویابرین ۱۰-دا دایاندیریلماسینین ممکون ایتکیلرین قارشی‌سینین آلینماسی ایله باغلی اولدوغونو قید ائد‌رک بیلدیریب:

«هر دفعه بایراغیمیز بیر کنده، شهره سانجیلاندا، منیم اوچون آذربایجان محض او تورپاق ایدی».

دوغما تورپاقلاریمیزین قورونماسی اوچون دایم حاضر اولماغین واجبلیینی ایفاده ائد‌ن پرزیدنت ایلهام علیئو وورغولاییب:

«هر آن اؤز تورپاغیمیزی مدافعه ائتمک اوچون گوج‌لو اولمالییق، حاضر اولمالییق و امینم کی، بوندان سونرا هئچ واخت بیر قاریش تورپاغیمیز هئچ کیمین تاپداغی آلتینا دوشمه‌یه‌جک. بونون اوچون هم گوج وار، هم اراده وار، خالقین بیرلیی وار. گوج‌لو آذربایجان دولتی وار».