شرقی آذربایجان ایالتینین جلفا شهریندن اولان ملی فعال و سیاسی محبوس یوروش مهرعلی‌بیلی حیاتینین تهلوکه‌ده اولا بیلجیی ایله باغلی ناراحات‌لیقلار آرتیب.

Axar.az خبر وئریر کی، بو باره‌ده بعضی انسان حاقلاری تشکیلاتلاری فعالین یاخینلارینا استنادا بیلدیریبلر.

اونلارین سؤزلرینه گؤره، سیاسی محبوسون وضعیتی و ساغلاملیق دورومو باره‌ده عائله‌سینه معلومات وئریلمه‌مه‌سی اونونلا باغلی ناراحاتچیلیگین آرتماسینا سبب اولوب:

"خصوصاً ایران رسمیلرینین اعتراضچیلاری و اعتراضا چاغیریش ائد‌نلری خاریجی اؤلکه‌یه باغلی اولماق‌دا اتهام ائتمه‌سی، اونلارا قارشی سرت، حتی اعدام جزاسینین تطبیق اولوناجاغی باره‌ده خبردارلیقلاریندان سونرا، آذربایجان‌لی فعالین دا تالعینین سوالا آلتیندا اولوغونا دایر ناراحاتلیقلار آرتیب. اونا گؤره کی، یوروش مهرلیبی‌لی ده آذربایجانلیلاری دینج اعتراض آکسیالارینا چاغیردیغی اوچون حبس اولونوب".

قید ائدک کی، یوروش مهرلیبی‌لی ایران‌دا باش قالدیران اعتراض آکسیالارینی دستکله‌ییب و آذربایجان‌لیلارین دا اؤز ملی شعارلاری و طلبلری ایله آکسیالار کئچیرمه‌لرینین واجیب‌لییی باره‌ده ویدئو مراجعت یایدیقدان سونرا یانوارین ۵-ده تهلوکه‌سیزلیک مأمورلاری طرفیندن ساخلانیلیب.