آمریکا-اسرائیل هجومونا ایرانین آسسیمتریک جوابین‌دا اساس سوال دوغوران مقام کؤرفز اؤلکه‌لرینه – سعودییه عربستانی، بیرلشمیش عرب امیرلیکلری، قطر، کویت و دیگرلرینه هجوم ائتمه‌سی، خصوصیله ملکی اوبیکتلرین، انرژی رسورسلارینین و اینفراستروکتورون هدفه آلینماسی‌دیر. آمریکا حربی بازالارینین یئرلشدیی بو جغرافیانین ایرانین هدفینه چئوریلجیی معلوم ایدی، ۱۲ گونلوک محاربه‌ده ده هدف کیمی قطرده‌کی بازا سئچیلمیشدی. لاکین حاضردا داوام ائد‌ن محاربه‌ده ایران کؤرفز اؤلکه‌لرینده حربی هدفلرله یاناشی، ملکی هدفلری – هتل‌لر، هوا و دنیز لیمانلاری، نفت بازالارینی دا وورور.

بونون سببلری آراسیندا ایرانین محاربه آرئالینی بؤلگه‌یه یایماق و رگیون‌دا آمریکانین باشلاتدیغی هجوملارا قارشی مخالف موقعی گوجلندیرمک ایستیی وار. ایران‌دان تورکیه‌یه آتیلان، آرالیق دنیزینین شرقینده اولان ناتو قوه‌لری طرفین‌دن ضررسیزلشدیریلن بالستیک راکتین ده هدفی بو ایدی. لاکین بو، محاربه‌نین باشلانماسین‌دان سونرا تورکیه‌یه قارشی ایلک حمله‌دیر، ایرانین اساس هدف جغرافیاسی ایسه محض کؤرفزدیر. بو اؤلکه‌لرده خصوصیله ملکی اینفراستروکتورون هدف سئچیلمه‌سی مقصدین تکجه محاربه آرئالینی گئنیشلندیرمک اولمادیغی فکرینی اؤنه چیخاریر و «ایران نیه کؤرفز اؤلکه‌لرین‌ده ملکی اینفراستروکتورو وورور» سوالینا جواب آختاریشی ضرورتینی یارادیر.

بورادا دقتدن یایینان سبب کؤرفز اؤلکه‌لرینین آمریکا-اسرائیل هجوملارینا بو و یا دیگر فورمادا دستک وئرمه‌سی‌دیر. مثال اوچون، «واشینگتن پوست» نشری سعودیه عربستانی رهبرلیینین ایرانا قارشی محاربه‌نی گیزلی شکیل‌ده دستکلدیینی ادعا ائدیر. بین‌الخالق مئدیادا یاییلان دیگر ادعالارا گؤره، آمریکانین ایران عملیاتینین بوتون خرجلری عرب اؤلکه‌لرین‌دن بیری طرفیندن قارشی‌لانیر.

بو ادعالارلا یاناشی، ایران-اسرائیل خطین‌ده راکت ضربه‌لرینین ترایکتورییاسی دا رئال منظره‌نی اورتایا چیخاریر. اسرائیل ایرانا هجوملارین‌دا ایستر راکتلرین آتیلماسی، ایستر دؤیوش طیاره‌لرینین حرکتی اوچون هوا مکانی کیمی کؤرفز اؤلکه‌لریندن استفاده ائدیر. ایرانین اسرائیله آتدیغی راکتلر و درون هجوملاری دا عینی هوا مکانین‌دا حیاتا کئچیریلیر. هوجوملار زمانی کؤرفز اؤلکه‌لرینین هوا هجوموندان مدافعه سیستملری ایران درونلاری و راکتلرینین ضررسیزلشدیرلمه‌سی پروسسین‌ده آکتیو اشتراک ائتسه ده، اسرائیل هجوملارینا قارش آدکوات آددیم آتیلمیر. تهران‌دا حساب ائدیرلر کی، هوا مکانینی اسرائیل اوچون آچان، عینی زمان‌دا، تلاویوه دورغرو حرکت ائد‌ن درون و راکتلرین ضررسیزلشدیریلمه‌سینده اشتراک ائد‌ن کؤرفز اؤلکه‌لری ایرانا قارشی محاربه‌نین فاکتیکی اولاراق طرفیدیر.

ایران کؤرفز اؤلکه‌لرینه هجوملاری بو منطقله حیاتا کئچیریر.