مارتین ۵-ده ایرانین ۴ عدد پوا ایله نخجوان بین‌الخالق هاوا لیمانی و اورتا مکتبه هجومو، ملکی اینفراستروکتورو هدف آلماسی و ۴ نفرین خسارت آلماسی بوتون دنیادا گئنیش رئاکسیالارا سبب اولدو.

پرزیدنت درحال اوردویا حاضرلیق امری وئردی، بو هجومو سرت شکیل‌ده قینادی، بونون آردینجا ایسه آذربایجانا – دولت باشچی‌سینا و خارجی ایشلر ناظرینه دستک زنگلری آرد-آردا دوزول‌دو.

بؤیوک، مقیاس‌لی اینفورماسییا و سیاسی دستک ایچین‌ده جیحون بایرامووا بیر زنگ سون درجه گؤزلنیلمز اولدو: اؤتن گون گئجیاری‌سینا ارمنستان خارجی ایشلر ناظری آرارات میرزویان آذربایجان‌لی همکارینا زنگ ائد‌رک، نخجیوانا هجوم فونون‌دا رگیونال اسکالاسییانی مذاکره ائتدی.
بیر نئچه گون اول – ۲۸ فورال‌دان، اسرائیل و آمریکانین ایرانا ضربه‌لری عرفه‌سین‌ده ایران اکسپرتلری و بو اؤلکه‌نین ارمنستان‌داکی سفیری بیر داها دهلیزله باغلی «سرت مؤقع» اورتایا قویموشدو، بیر داها ارمنستان سرحدلرینین ایرانین قیرمیزی خطلری اولدوغونو خاطرلاتمیشدیلار، بیر داها ایرانین بو موقعینین دییشمدیی باره‌ده خبردارلیق ائتمیش‌دیلر.

بو تکراردان/خاطرلاتمادان بیر نئچه گون سونرا ایسه همین ارمنستانین خاریجی ایشلر ناظری آذربایجانا زنگ ائدیب، ایرانین پیس عملینی قیناییر و باکی ایله همرای اولور!

۳۰ ایلده‌ن چوخ محض ایرانین سایه‌سین‌ده آذربایجان تورپاقلارینی اشغال‌دا ساخلایان بیر اؤلکه‌نین خارجی ایشلر ناظرینین ایرانین درون ضربه‌سینه گؤره باکییا زنگی تهرانین ۴۰ ایللیک سیاستینین تکجه یانلیش اولماسی دئمک دئییلدی، هم ده محوی ایدی، دارماداغین اولماسایدی.

تهرانین اونیللردیر قوردوغو آرخیتکتورا:

- حربی ایستروکتور – دارماداغین ائدیلیر، مدافعه سیستمی سیرادان چیخاریلیر، ایران سماسین‌دا اسرائیل قیریجیلاری سوزور؛

- راکت سیستمی – ۲۸ فورال‌دا ایران ۳۵۰ راکت آتمیشدیسا، ۵ مارت‌دا ۴۰-آ قدر راکت آتا بیلیب، دئمه‌لی، بوراخیلیش سیستملری محو اولوب؛
- نووه تاسیساتی – دارماداغین ائدیلیر؛

- حقوق-محافظه سیستمی – تک-تک، محله-محله وورولور؛

- شیعه حلالی – پروکسیلر محو ائدیلدی، ایش او یئره چاتیب کی، لیوان ایران وطنداشلارینا ویزا تطبیق ائتدی، بو اؤلکه‌ده‌کی بوتون سپاه عضولرینین ایسه قید-شرط‌سیز ساخلاناجاغی اعلان ائدیلدی، حتی سئپاه عضوو توریست کیمی اورا گئتسه ده؛

- اقتصادیات – تام چؤکوب، انفلاسیا اداره‌اولونماز سوییه‌ده‌دیر؛

- سیاست – قونشولارلا اونیللردیر قورولان علاقه‌لر تام چؤکوب، ایرانین اوردوسو ایله مدافعه ائتمه‌یه حاضر اولدوغو اؤلکه - مثلاً، ارمنستان – تهرانین سیاستینین نئجه اینفلاسا اوغرادیغینی اؤتن گون نمایش ائتدیردی...

ایرانین ۴۷ ایلدیر قوردوغو بوتون سیستم چؤکدو.