تهران و واشینگتن آراسین‌دا "ممکن" ایکینجی دانیشیقلار راوندونا حاضرلاشدیغی زمان پاکستان پلیسی پایتخت اسلام‌آباددا گئنیش تهلوکه‌سیزلیک عملیاتلاری حیاتا کئچیریب.

Axar.az خبر وئریر کی، بو باره‌ده اسلام‌آباد پلیسی معلومات یاییب.

بیلدیریلیب کی، تهلوکه‌سیزلیکله باغلی ناراحات‌لیقلار سببین‌دن اوچو افغانیستان وطنداشی اولماقلا ۳۹ شبهه‌لی ساخلانیلیب.

معلوماتا گؤره، اسلام‌آباد پلیس رئیسینین امری ایله بو گون سحر ساعتلاریندان باشلایاراق شهرین مختلف اراضیلرینده گئنیش آختاریش عملیاتلاری آپاریلیر.

عملیاتلار زمانی ۷۴۳ نفر یوخلانیلیب، ۳۰۷ ائو، ۹۵ مغازا و ۴۶ هتل‌ده آختاریش آپاریلیب.

اسلام‌آباد پلیسی ۳۹ شبهه‌لینین ۱۸ موتوسیکلتله بیرلیکده علاوه آراشدیرما اوچون موافق پلیس بؤلمه‌لرینه آپاریلدیغینی، بیر شبهه‌لینین قانون‌سوز سلاح ساخلادیغینا گؤره حبس اولوندوغونو و اوندان تاپانچا ایله بیرلیک‌ده سورساتین مصادره ائدیلدیینی بیلدیریب