هؤرموز بوغازینین دیبیندن کئچه‌ن یئددی اساس اینترنت کابلینین زده‌له‌نمه‌سی بوتون فارس کؤرفزی اؤلکه‌لرینی گلوبال شبکه‌یه چیخیشدان محروم ائده بیلر.

Axar.az خبر وئریر کی، بو باره‌ده ایرانین "تسنیم" آگنتلیی معلومات یاییب.

بیلدیریلیب کی، بؤلگه‌ده‌کی عرب اؤلکه‌لرینین اینترنت آسیلیلیغینین ۹۰%-دن چوخونون محض بو سوالتی خطلردن عبارت اولماسی احتمال اولونان قضا زمانی رقمسال فلاکته و میلیاردلارلا دلار زیانا یول آچا بیلر.

آگنتلیک ۲۰۰۸-جی ایلده آرالیق دنیزینده ایکی کابلین قیریلماسی نتیجه‌سینده رگیونون ترافیکینین ۷۰% آزالماسینی خاطیرلاداراق، حاضیرکی ریسکلرین مقیاسینین سعودیه عربستانی، بیرلشمیش عزب امیرلیکلری، قطر، کویت، بحرین و عمان اوچون بیرژالارین دایانماسی و مالیه عملیاتلارینین افلیج اولماسی درجه‌سینده جدی اولدوغونو وورغولاییبلار.

معلوماتدا همچنین قید اولونوب کی، ایران اینترنت ترافیکینین ۶۰-۷۰%-نی تورکیه، ارمنستان و آذربایجان واسطه‌سیله کئچه‌ن قورو مارشروتلاری ایله تامین ائتدیی اوچون بو ساحه‌ده داها اوستون وضعیتده‌دیر.

"TeleGeography" و "Submarine Networks" معلوماتلارینا استنادن بیلدیریلیر کی، بوغازین دیبن‌دن "Falcon"، "AAE-1"، "Oman-Iran" و "2Africa" کیمی ان آزی یئددی ماگیسترال کابل سیستمی کئچیر کی، بو دا هرمز بوغازینی تکجه نفت-گاز دئییل، هم ده مهم شبکه آرترییاسینا چئویریر.

حاضردا ایرانین داخلی اینترنت شبکه‌سینه کئچیده حاضیرلاشدیغی دا خبرده یئر آلیب.