اورمیا گؤلونده موجود اولان سو مقداری ۳ میلیارد ۵۰۰ میلیون کوبمتره چاتیب و بو اؤتن ایلین عینی دورو ایله مقایسه‌ده بیر نئچه دفعه چوخدور.

Axar.az خبر وئریر کی، بو باره‌ده اورمیا گؤلونون برپاسی قرارگاهینین پلانلاشدیرما و اینتقراسیا اوفیسینین دیرکتورو سعید عیسی‌پور معلومات یاییب.

او، اورمیا گؤلونون ساحه‌سینین ده ۲۲۵۵ کوادرات کیلومتره چاتدیغینی بیلدیریب و بونون اؤتن ایلین عینی دؤورو ایله مقایسه‌ده ۱۷۰۰ کوادرات کیلومتر چوخ اولدوغونو بیلدیریب.

سون هفته‌لر سو حوضه‌سی اراضی‌سین‌ده کفایت قدر یاغینتی، گؤله آخان چایلاردا سویون چوخالماسی و بندلردن سویون بوراخیلماسی اورمیا گؤلونون وضعیتینین یاخشیلاشماسیندا اساس عامللر اولوب.

اورمیا گؤلونون برپاسی قرارگاهینین کئچمیش کاتیبی عیسی کلانتری ایسه مئدیایا وئردیی موصاحیبه‌ده گؤلون جانلانماسی ایله باغلی معلوماتلاری شیشیردیلمیش حساب ائدیب:

"گؤلده سو مقدارینین آرتماسی برپا لایحه‌لرینین ایجراسینا گؤره دئییل، بو، اساسین طبیعتین سخاوتینین نتیجه‌سی‌دیر. سون ۲ آی عرضینده یاغان یاغیشلار گؤلون جانلانماسین‌دا اساس رول اویناییب و یای آیلاریندا سویون بوخارلانماسی ایله اورمیا گؤلو یئنی‌دن قورویاجاق".

قید ائدک کی، ساحه‌سینه گؤره اورمیا گؤلونون ماکسیموم سو حجمی ۳۰ میلیارد کوبمتر، اورتا سو حجمی ایسه ۱۵ میلیارد کوبمتر اولمالی‌دیر.