ایران اطرافین‌دا و هرمز بوغازیندا باش وئرن حادثه‌لر، آمریکا-اسرائیل-ایران قارشی‌دورماسی و لجستیکا یوللارینین تام آچیلماماسی انرژی داشیییجیلارینین قیمتینه جدی تأثیر گؤستریر. نفتین باهالاشماسی آویاکروسینین ده قیمتینی آرتیریب و حاضردا بو ساحه‌ده ۴۰%-دن چوخ باهالاشما مشاهده اولونور.

بو سؤزلری Axar.az-ا آچیقلاماسین‌دا اقتصادچی ناطق جعفرلی گلوبال انرژی بازاریندا باش وئرن پروسسلرین آویاسیا و توریزم سکتورونا تأثیرین‌دن دانیشارکن دئییب.

اکسپرت بیلدیریب کی، یاناجاق آویاشیرکتلرین اوچوش قیمتلرینی معینلش‌دیرمه‌سینده اساس معیارلاردان بیرینی تشکیل ائدیر:

«آویابیلتلرین مایا دیرینین تخمیناً ۳۵-۴۰%-ی یاناجاغین پایینا دوشور. اونا گؤره ده یاناجاغین باهالاشماسی اونلارین قیمت ایستراتگیاسینا بیرباشا تأثیر ائدیر. اما مسئله تکجه قیمت آرتیمی دئییل، حاضردا آویاکروسین چاتیشمازلیغی پروبلمی ده یاشانیر.

سعودیه عربستانی، بیرلشمیش عرب امیرلیکلری و کویت دنیادا اساس آویایاناجاق اخراجاتچیلاری سیراسین‌دا یئر آلیر و رگیون‌داکی گرگین‌لیک بو تداروک زنجیرینه تأثیر گؤستریر. حاضردا آمریکا آوروپا بازارینا داها چوخ آویایاناجاق ساتماغا باشلاییب و بوندان اساس گازانان دا آمریکا شرکتلری اولور. اما یای توریزم موسومونون یاخینلاشماسی فونوندا آویایاناجاق چاتیشمازلیغی بیر چوخ آویاشیرکتی بعضی ریسلری تاخیره سالماغا و یا داها رنتابل‌لی استقامتلره اوستونلوک وئرمه‌یه مجبور ائده بیلر».

جعفرلی وورغولاییب کی، پروبلمین اوزانماسی گلوبال توریزم سکتورون‌دا جدی چتین‌لیکلر یارادا بیلر:

«توریزم گلوبال اقتصادیات‌دا مهم یئر توتور و بیر چوخ ساحه‌نی اؤز آرخاسینجا آپاریر. اگر مناقشه اوزانسا و مایین سونونا قدر وضعیت ثابتلشمه‌سه، ایون آیین‌دان باشلایاجاق توریزم موسومو هم آویاشرکتلر، هم ده توریزم سکتورو اوچون جدی پروبلملرله مشایعت اولونا بیلر».

اکسپرت حساب ائدیر کی، یاخین هفته‌لرده وضعیتین یومشالماسی احتمالی وار:

«بو وضعیت ایران اوچون ده جدی اقتصادی ضربه‌دیر. اؤلکه آرتیق اوزون مدتدیر بلوکادا شرایطینده یاشاییر و اخراج امکانلاریندا پروبلملرله اوزلشیر. آمریکا پرزیدنتینین چینه سفری ده هرمز بوغازی اطرافینداکی پروسسلره تأثیر گؤستره بیلر. چونکی چین ده همین مارشروت‌دا یارانان پروبلملردن ضرر گؤره‌ن اساس اؤلکه‌لردن بیریدیر».