آمریکادا یاشایان آزربایجان اصیل‌لی تانینمیش موغه‌ننی گوگوش (فایقه آتشی) ۲۰۲۶-جی ایل الیس آداسی شرف مئدالی ایله تلطیف ائدیلیب.

Axar.az خبر وئریر کی، بو باره‌ده صنعت‌چی اؤزونون سوسیال مئدیا حسابین‌دا پایلاشیم ائدیب.

"دونن گئجه مدنی کیملیینی قورویوب ساخلایاراق آمریکا جمعیتینه تأثیر قویان شخصلره وئریلن الیس آداسی شرف مئدالینی آلماق شرفینه نایل اولدوم"،- او یازیب.

گوگوش، بو مکافاتی ایران خالقینا تقدیم ائتدیینی بیلدیریب:

"بو مکافاتی ایران خالقینا، ایللردیر عذاب، صبر، امید و غرورلا یاشایان و بوتون چتین‌لیکلره باخمایاراق آیاق‌دا دورماغا داوام ائد‌ن انسانلارا سئوگی و حرمتله تقدیم ائدیره‌م.

الیس آداسی شرف مدالی ۱۹۸۶-جی ایلدن بری اینجه‌صنعت، مدنیت، سیاست، علم، بیزنس و سوسیال ساحه‌لرده فعالیت گؤسترن شخصلره وئریلن ان تانینمیش آمریکا وطنداش مکافاتلاریندان بیریدیر.

ایللر عرضین‌ده بو مکافاتا لاییق گؤرولن تانینمیش شخصلر آراسین‌دا رونالد ریگان، ریچارد نیکسون، روزا پارکس، فرانک سیناترا، قلوریا استفان، مالالا یوسیفزای و دونالد ترامپ وار.