باش ناظیر نیکول پاشینیان «نیه اورادا اؤلمدینیز؟» سؤزونو قاراباغ ارمنیلری حاقدا یوخ، اونلارین قوندارما الیتاسی باره‌ده سؤیله‌ییب.

Axar.az خبر وئریر کی، بونو ارمنستانین اقتصادیات ناظیری گئوورک پاپویان بیلدیریب.

«همین اپیزود محاربه باشلادیقدان درحال سونرا قاراباغ ارمنیلرینی تالایاراق جیپلرله ارمنستانا قاچان ساختا الیتا ایله علاقه‌لیدیر. اونلارلا کیلومترلیک باهالی جیپ کاروانی یارانمیشدی، اورادا «۰۶» یوخ ایدی، هامیسی جیپ ایدی. قاچیب بورا گلدیلر، کافه‌لرده یئییب-ایچدیلر، اوراداکی انسانلاری و عسگرلریمیزی تک قویدولار. ایندی نیکول پاشینیان اونلاری نظرده توتور. ایندی یئنه دئییرلر کی، گلین ایرواندا کافه‌لرده، جیپلریمیزده اوتوراق، قوی بو اوشاقلار گئدیب یئنیدن اؤلسونلر. سنین نه حاقین وار، سن کیمسه‌ن، اجلاف، سن کیمسه‌ن، اؤزون قاچیب بورا گلمیسه‌ن، باشقالارینا نئجه گئدیب اورادا اؤلمه‌لی اولدوغونو دئیه بیلرسه‌ن؟»، - ناظیر قید ائدیب.

پاپویانین سؤزلرینه گؤره، نیکول پاشینیانین حاکمیتدن گئدیشی و رادیکاللارین اقتدارا گلیشی محاربه‌یه سبب اولا بیلر:

«بیز بورادا اولساق، صلح، اونلار گلسه‌لر، محاربه اولاجاق. بونون نتیجه‌سی اودور کی، ۲،۵ ایلدیر ارمنستان سرحدلرینده آتیشما اولماییب. یالنیز صلح دورونده بوتون مسئله‌لری حل ائتمک ممکندور. عکسینی دئیه‌نلر ساده‌جه مزارلارین سایینی آرتیرماق ایسته‌ییرلر، آنجاق مزارلارین سایینی آرتیرماقلا یئنی جیپلر، ایرواندا یئنی ائولر، یئنی کافه‌لر آلماق اولار. بیز ایسه دئییریک کی، بو باش وئرمه‌یه‌جک».