آمریکا و ایران هرمز بوغازینی یئنیدن آچاجاق، ایرانا قارشی بعضی سانکسیالاری یومشالداجاق و ایرانین نووه پروگرامی ایله باغلی دانیشیقلاری یئنیدن باشلاداجاق موقتی ۶۰ گونلوک سازش امضالاماغا یاخیندیرلار.

Axar.az خبر وئریر کی، بو باره‌ده «آکسیوس» معلومات یاییب.

«عوضینده ایران بوغازدان مینالاری تمیزله‌یه‌جک، سربست گمیچی‌لییه اجازه وئرجک و اوران زنگینلشدیریلمه‌سینین محدودلاشدیریلماسی و یوکسک درجه‌ده زنگینلشدیریلمیش نووه ماتریاللاریندان امتنا ائدیلمه‌سی باره‌ده دانیشیقلارا صادق قالاجاق.

لاییحه‌ده همچنین اسرائیل و حزب‌الله آراسیندا لبناندا دؤیوشلره سون قویماق باره‌ده آنلاشما دا وار. باخمایاراق کی، اسرائیل سازشین بعضی حصه‌لری ایله باغلی ناراحاتلیقلارینی بیلدیریب.

آمریکا پرزیدنتی دونالد ترامپ و رگیونال واسطه‌چیلر بازار گونو سازشی اعلان ائتمه‌یه امید ائدیرلر، لاکن رسمیلر دانیشیقلارین هله ده حساس اولدوغونو و سون آندا اوغورسوز اولا بیلجه‌یینی دئییرلر»، - معلوماتدا قید اولونوب.

قید ائدک کی، آمریکا پرزیدنتی دونالد ترامپ ایرانلا راضیلاشما چرچیوه‌سینده هرمز بوغازینین آچیق قالاجاغینی بیلدیرمیشدی.