اسرائیل حربی هوا قوه‌لرینین ضربه ائندیردیی سوریانین ایدلیب ایالتینده‌کی "ابوالدوهور" حربی آویابازاسینا تورکییه حربچیلری یئرلشدیریلجکمیش.

Axar.az خبر وئریر کی، بو باره‌ده تورکییه‌نین «حابر ۷» نشری معلومات یاییب.

معلوماتا گؤره، ۲۰۲۴-جو ایل ۸ دکابر چئوریلیشیندن سونرا "ابوالدوهور" بازاسیندا یئنی‌لنمه ایشلری آپاریلیب. بازاداکی تیکی‌لیلر سوریا حکومتی، هوا لیمانینین اوچوش-ائنمه زولاغی ایسه تورکییه طرفیندن تعمیر اولونوب. ایکی اؤلکه آراسیندا الده ائدیلن راضیلاشمایا اویغون اولاراق، بازایا هوا هجومون‌دان مدافعه آوادانلیقلارینین، اساساً کشفیات و ضربه پوا-لارینین یئرلشدیریلمه‌سینه باشلانیلیب.

تورکییه‌ده کئچیریلن بیر سیرا تعلیملردن سونرا حربی پرسونالین، یئر اوستو و آویاسییا تئکنیکاسینین بازایا یئرلشدیریلمه‌سی اوچون بوتون حاضرلیقلار باشا چاتیب. اگر اسرائیلین گئجه یاریسی هجومو اولماسایدی، ۱۳ ساعت عرضینده بازایا ۲۰۰-دن چوخ عسگر گؤندریله‌جکدی.

بیلدیریلیب کی، تورکییه حربچیلرینین یئرلشدیریلمه‌سیندن سونرا بازاداکی پوا-لاردان استفاده ائتمکله، خصوصاً ده پالمیرا-خمس بؤلگه‌سینده‌کی ایشید گروپلاشمالارینی هدف آلان عملیاتلارا باشلانیلاجاقدی.

نشرین منبع‌لره استنادلا وئردیی معلوماتا گؤره، تورکییه‌لی حربچیلر "ابوالدوهور" بازاسیندا اولسایدی، چوخلو سایدا ایتکی وئریله‌جکدی.

قید ائدک کی، دونن اسرائیل باش ناظری بنیامین نتانیاهو تورکییه‌نین سوریادا حربی بازا قورماسینا امکان وئرمه‌یه‌جکلرینی دئمیشدی.