نفوذلو "تریپاد ویسور.کام" سَیاحت مصلحتچیسی سایتی نین اؤتن ایلین اوکتییابریندان بو ایلین اوکتییابر آیینا قدر توپلادیغی رَای سوُرغوسوندا داها چوخ اوستونلوک وئریلن و اینکیشاف ائتمکده اولان توریسم منطقه لری سییاهیسیندا باکی شَهری بئشینجی یئرده قرارلاشیب.

ترئندین معلوماتینا گؤره, رئیتینگ سییاهیسی 43 ایستیقامَت اوزره خوصوصی اوچوشلار, هوتئل و رئستورانلارین برون ائدیلمه سی و آرتان توریست ماراقلاری اساسیندا حاضیرلانیب. سایتین آسییا-ساکیت اوُکییان رئگییونو اوزره کوُممونیکاسییالار دیرئکتورو خانیم ژانیس لی فانگ رئیتینگ سیرالاماسیندا اؤنه چیخان شَهرلرین 2017-جی ایلده ده سَیاحت اوچون اوستونلوک وئریلن منطقه لر آراسیندا اولاجاغینا اومید ائتدی یینی بیلدیریب.

علاوه ائدیب کی, بو سییاهی سَیاحت سئورلرین سئچسملرینه اؤز موثبت تاَثیرینی گؤستره جک. او همچینین اؤلکه میز و پایتاختیمیز حاققیندا دا خوش تاثوراتلارینی بؤلوشوب.: "بیز چوخ ممنونوق کی, پوپییولییارلاشماقدا اولان توریزم منطقه لری سییاهیسیندا اؤن سیرالاردا دایانیر. سیاحت سئورلرین 65 فائیزی آذربایجانی شرقله غربین قوُوشاغیندا یئرله شَن قدیم تاریخه و مؤحتشم مدنییته مالیک اؤلکه کیمی سَجییه لندیردی. قئید ائده ک کی, سییاهیدا سان-خوسه-دئل-کابو (مئکسیکا), اوئیستئر (کانادا), ژیژوُکا ده ژئریکوُاکوارا (برازیلییا) و کیهئی (هاوای) کیمی مشهور توریستیک عونوانلار یئر آلیر.

قئید ائده ک کی, مشهور تریپاد ویسور.کام سایتی آرتیق 5-جی ایلدیر کی, داها چوخ وئریلن و اینکیشاف ائتمه کده اولان توریسم منطقه لری نین رئیتینگ سیرالاماسینی آچیقلاییر.