تبریز-اردبیل یولونون بستان آباد-سراب آراسیندا دهشتلی یول قزاسی باش وئریب. قزا نتیجه‌سین‌ده بیر نفر هلاک اولوب، ۲۸ نفر ایسه یارالانیب. اونلاردان ۶-سینین وضعیتی آغیردی.

آخار. آذ خبر وئریر کی، شرقی آذربایجان ویلایتینین تعجیلی یاردیم مرکزینین اجتماعی علاقه‌لر شعبه‌سینین رهبری وحید شادی نیا دونن آخشام ساعت ۲۰:۲۰-ده باش وئرمیش قزادان درحال سونرا حادثه یئرینه ۱۲ تعجیلی یاردیم ماشینی و حکیم دسته لری گؤندریلدیینی دییب. یارالانانلار سراب و بستان آباد خسته خانالارینا گؤندریلیب.

آغیر خسارت آلان ۶ نفر ایسه تبریزین امام رضا خسته خاناسینا چاتدیریلیب.
حادثه‌ده یوک ماشینی، آوتوبوس و مینیک آوتومبیلی توققوشوب.