ارمنیستان بو گون روسییا و آمریکانین گئوستراتژی ماراقلارینین توققوشدوغو آرنادیر.

آخار. آذ خبر وئریر کی، بونو «Pravda.ru» سایتینا آچیقلاماسین‌دا روسییالی پولیتولوگ اولئق کوزنئتسوو دئییب.

«اگر پاشینیان سااکاشویلی کیمی روسییانین ارمنیستان اراضی‌سینده‌کی حربی مؤوجودلوغونا سون قویسا، بو، واشینگتنون اؤن آسییاداکی گئوسییاسی تأثیرینی ایتیرمه‌سینه کومپنساسییا اولاجاق. روسییانین ارمنیستانداکی تأثیرینی ایتیرمه‌سینین موسکوا اوچون ایکی جدی نتیجه‌سی وار: بیرینجی‌سی، روسییانین داخیلی سیاسی پروسئسلرینده ارمنی لوببیسینین تأثیری ضعیفله‌یه‌جک. بو دا حاکمیتده ایکی اساس ارمنی لوببیستی اولان روسییا خاریجی ایشلر ناظری سرگئی لاوروو و فدراسییا شوراسینین رهبری والنتینا ماتوینکونون وظیفه‌دن گئتمه‌سی ایله نتیجه‌لنه‌جک. ایکینجی‌سی ایسه آذربایجان قافقازدا روسییا ایله مناسیبتلری خوش اولان یئگانه اؤلکه اولاجاق و نتیجه‌ده کرملین جنوبی قافقازدا سئچیم ائتمک شانسی قالمایاجاق. ارمنیستان-آذربایجان قارشی‌دورماسی بوندان سونرا داها دا آرتاجاق»، – دئیه او بیلدیریب.

کوزنئتسوو حساب ائدیر کی، روسییانین ائرمنیستان‌دان چکیلمه‌سی موسکوانین قاراباغین آزاد ائدیلمه‌سی اوچون باکییا یاشیل ایشیق یاندیراجاغی احتیمالینی آرتیریر:

«موسکوا ایشغال ائدیلمیش اراضیلرین آزاد ائدیلمه‌سی اوچون آذربایجانین حربی عملیاتلارینا دستک وئره و رئگیون‌دا روسییا-آذربایجان-تورکییه تهلوکه‌سیزلیک اوچبوجاغینین قورولماسی رئاللاشا بیلر».