آذربایجانین میلی فعالی علی افسر شهبازینین قیزی س.شاهبازی بیر نئچه گون اؤنجه وفات ائد‌ن آتاسینین وضعیتی ایله باغلی اینستاگرام حسابین‌دا پایلاشیم ائدیب.

Axar.az خبر وئریر کی، همین پایلاشیمین متنینی تقدیم ائدیر:

«قاراباغین ایشغال‌دان آزاد اولوندوغو گون ائوده آذربایجان مارشینی (اوخو: آذربایجان رسپوبلیکاسینین دولت هیمنینی) یوکسک سسله سسلندیریب، آیاغا قالخیب، گؤز یاشی تؤکوب. او، قیشقیراراق بیزه نیطق سؤیله‌دی و دئدی: آذربایجانین شهیدلری بیزیم شهیدلریمیزدیر، اونون دوشمه‌نلری بیزیم دوشمه‌نیمیزدیر، ابدی. او، بیر گون آنا دیلیمیزده یازیب اوخویاجاغیمیزا امین ایدی و او گونه هوسله، اومیدله باخیردی. او، اردوغانا حیران اولوب.

خسته‌لیینین اورتاسیندا دئدی: سئوگیمی (اوخو: اردوغانی) گؤرسم، آیاغا قالخارام و بدنیم‌ده آغری قالماز. اونو هیجانلاندیران جمله اردوغانین پوتینین ۴۴ گونلوک محاربه‌ده آذربایجانی هده‌له‌مه‌سینه جواب اولاراق دئدیی جمله اولدو: «سن گل، بیز ده گلیریک. آزدان آز، چوخدان چوخ گئدر»...

او، هم ایشلیرکه‌ن، هم ده استراحت زامانی تحلیل ائدیب یازیلار یازیر، یورولمازدی. دئیه‌سن، آذربایجان و تورک ملتی سئوگیسی اونون بدنینه، روحونا یورغونلوغون، اومیدسیزلیین گیرمه‌سینه امکان وئرمه‌ییب. آتامین بؤیوک اینسان اردوغانلا باغلی یازدیغی «شوشایا اتحاف» باشلیق‌لی مقاله‌سین‌ده «اردوغان دا اللهین یاراتدیغی‌دیر، او دا خسته‌لنه‌جک، قوجالاجاق، دونیادان اوز چئویره‌جک. اما گئتمک وار گئتمک وار…»

بو یازیدا آتامین گلجیینی پروگنوزلاشدیردیغینی گؤروروک. ساغلاملیغینی آذربایجان و تورک ملتی، خالقی اوچون فدا ائد‌ن اینسان…دونیایا گؤزونو یومسا دا، تاریخ آتامی اونوتماز... گئتمک وار، گئتمک وار...
و نهایت، اونون وصیتی:

«قبریمین اوستونه آذربایجان بایراغینی قویون کی، راحت یاتیم».