یوخاری

ایران آدی نه واخت رسمیلشدیریلدی؟

آنا صحیفه توپلوم
12 Punto 14 Punto 16 Punto 18 Punto

ایران آدی ۱۹۳۵-جی ایلده خاریجی ایشلر ناظیرلیینین تعلیماتی و او زامانکی حکومتین طلبینه اساساً، میللی شورا مجلیسی (پارلامنت) طرفین‌دن تصدیق ائدیلیب.

Axar.az خبر وئریر کی، بو باره‌ده ایران خاریجی ایشلر ناظرلییی ۲۵ دکابر ۱۹۳۴-جو ایلده تکلیف ایر‌لی سوروب.

خاریجی ایشلر ناظیرینین ایران‌داکی خاریجی دیپلماتیک نماینده‌لیکلره گؤندردیی مکتوبدا اونلاردان "پرسیان" و "پرشیا" آدلاری یئرینه ایران آدیندان ایستیفاده ائتمه‌لری ایستنیلیب.

تانینمیش تاریخچی و ضیالیلار سعید نفیسی، محمد فروغی و سید حسن تقی‌زاده‌نین تکلیفی ایله باش توتان آد دییشیک‌لییی ۲۱ مارت ۱۹۳۵-جی ایلده‌ن رضا شاه پهلوینین فرمانی ایله رسمیلشدیریلیب.

ایکینجی دونیا محاربه‌سی دؤورونده تهران کنفرانسیندا اشتراک ائد‌ن وینستون چرچیل ایران آدینین دییشدیریله‌رک "پرشیا" آدلاندیریلماسی باره‌ده تکلیف ایر‌لی سوروب.

بو، آمریکالیلارین ناراضی‌لیغینا سبب اولوب و ایراندا نفوذونو گوجلندیرمکده اولان آمریکا آد دییشیکلیینه اجازه وئرمه‌ییب.

تاریخین بیر چوخ دؤنه‌ملرینده اؤلکه‌ده حاکم سلاله‌لرین آدلاری ایله تانینان اؤلکه‌نین آدینین رسمی اولاراق ایران آدلاندیریلماسی بیر سیرا فارس میللتچیلرینین ده ناراضی‌لیغینا یول آچیب.

بو سبب‌دن، «پرسیان" و یا "پرشیا" آدینین یئنی‌دن برپا ائدیلمه‌سینی، اؤلکه‌نین بو آدلا تانیدیلماسینی طلب ائد‌ن رادیکال میللتچی گروپلار و جیانلار هله ده مؤجوددور.

تاریخ
2023.11.28 / 15:27
مولف
جاویدان
شرح لر
دیگر خبرلر

سئچکیلری بایکوتا چاغیران سوسیال مدیا کاناللاری باغلاندی

«دده قورقود» فیلمینین چکیلیشلریندن نادیر گؤرونتولر

تبریزده سئچکی منطقه‌لرینی نه قدر پولیس قورویور؟

سورییادا سپاه کماندیرلری اؤلدورولدو

شروین حاجیپورا حبس جزاسی وئریلدی

ایران‌دا سئچیجی آکتیولییی اوچون محبوسلارا تضییق گؤستریلیر

ایران سفیری آلمانییا خاریجی ایشلر ناظیرلیینه چاغیریلدی

امامین دوغوم گونون‌ده بئله اوخودولار - ویدئو

ایران‌لیلارین دؤردده بیری سئچکیلره قاتیلاجاق - سورغو

پلان ایشه یارادی: غربی آذربایجاندا رکورد سئچیجی آکتیولییی گؤزلنیلیر

خبر خطّی
Axar.az'da reklam Bağla
Reklam
Bize yazin Bağla