ارمنیستانین اؤزو ده قصاص عملیاتی نتیجه‌سینده اؤلدورولنلرین «یئرکراپ»این عضولری اولدوغونو اعتراف ائدیب. بیز ده بیرمعنالی شکلده محو ائدیلن سلاح‌لیلارین ترورچو اولدوغونو دئیه بیلریک. بو، ارمنیستان اردوسونون برباد وضعیتینی و حتی استراتژی یئرلرده بئله کئچمیشی قارانلیق اولان حربچیلرین، یاخود ترورچولارین فعالیت گؤستردیینی تصدیقلییر.

بو سؤزلری Axar.az-آ دولت سرحد خدمتی-نین حیاتا کئچیردیی قصاص عملیاتی نتیجه‌سینده محو ائدیلن دؤرد ارمنی حربچی‌سی حاقیندا دانیشان احتیاط‌دا اولان پولکوونیک، حربی اکسپرت عزیر جعفروو دئییب.

پولکوونیک آذربایجانا قارشی تؤردیلجک تخریباتلارین ارمنیستانا باها باشا گلجیینی وورغولاییب:

«منده اولان معلوماتا گؤره، بیزیم عسگریمیزه آتش آچان یاراماز دا آرتیق گبردیلیب. یقین کی، یاخین ساعتلاردا سون وضعیت حاقیندا دتاللی معلومات وئریلجک. تخریباتی تؤردنلر یاشلارینا و داورانیشلارینا گؤره حرب‌چییه بنزمیرلر. چونکی دولت سرحد خدمتی-نین تقدیم ویدئودان گؤروندویو کیمی، همین پستدا کماندیره تابع‌چیلیک یوخدور و سلاح‌لیلار هئچ بیر قایدایا محل قویمادان باشی‌پوزوق شکلده راحت حرکت ائدیرلر. اوزه چیخان فاکتلار باش وئرن تخریباتین ارمنیستان حاکمیتینین اراده‌سیندن کنار حیاتا کئچیریلدیی احتمالینی گوجلندیریر. آنجاق ایسته‌نیلن حالدا بؤلگه‌ده صلحه انگل اولماق اوچون تخریبات تؤردنلر آذربایجانین قصاص عملیاتی نتیجه‌سینده نه ایله اوزلشجکلرینی بیر داها اعیانی شکلده گؤردولر».

قید ائدک کی، ارمنیستان-آذربایجان شرطی سرحدینین قافان رایونو استقامتیندن آتشکس پوزاراق، عسگریمیزی یارالایان ترورچولارا قارشی قصاص عملیاتی کئچیریلیب. نتیجه‌ده ۴ ارمنی عسگر محو ائدیلیب، یارالیلار وار.