ایولون ۳۱-ده حماس-این سیاسی بوروسونون رهبری اسماعیل هنیه‌نین تهران‌دا اؤلدورولمه‌سیندن سونرا حبس ائدیله‌نلر آراسیندا ایرانین خصوصی پلیس بؤلمه‌لرینین کماندیری گنرال حسن کرمینین ده اولدوغو باره‌ده معلوماتلار یاییلیب.

Axar.az خبر وئریر کی، سپاه-آ باغلی "تسنیم" خبر آگنتلیی معلوماتی تکذیب ائدیب.

آگنتلیک حسن کرمینین بو گون سحر اؤزونون ایش یئرینده اولدوغونو یازسا دا، اونون نیه مدیا نماینده‌لری قارشیسینا چیخماماسی و یا گؤرونتولو بیانات وئرمه‌مه‌سینه آیدینلیق گتیریلمه‌ییب.

بوندان اول سوسیال مدیادا یاییلان معلوماتلاردا حسن کرمینین جاسوسلوق اتهامینا گؤره حبس ائدیلدیی یازیلیب.

معلوماتلارا گؤره، مدیا نماینده‌لرینین کرمی‌دن آچیقلاما آلماق جهدلری باش توتماییب، اونون مشغول اولدوغو ادعا ائدیلیب و ژورنالیستلره واخت آییرا بیلمیجیی دئییلیب.

قید ائدک کی، اسماعیل هنیه‌نین اؤلدورولمه‌سینه گؤره، سپاه-این تهلوکه‌سیزلیک بؤلمه‌سی ۲۰-دن چوخ شخصی حبس ائدیب.

اونلارین آراسیندا یوکسک رتبه‌لی ضابطلر و هنیه‌نین قالدیغی مهمانخانانین امکداشلاری دا وار.