بیر مدت اول تبریزین تاریخی گلستان باغین‌دا باشلایان "یاشیل سویقیریم" و قانون‌سوز تیکینتی ایشلری داوام ائتدیریلیر.

Axar.az خبر وئریر کی، بو باره‌ده تبریز شهر شوراسینین سؤزچوسو فریدون بابایی مقدم معلومات وئریب.

او، دولت قوروملارینین البیر اولاراق پارکین داغیدیلماسینا گؤز یومدوقلارینی سؤیله‌ییب.

"بورادا تبریز بلدییه باشچی‌سی صلاحیتین‌ده اولمادان تیکینتی باره‌ده اجازه وئردیینه گؤره گناهکاردیر، بونونلا یاناشی پلیس کوماندانی دا قانون‌سوز تیکینتییه گؤره مسئولیت داشیییر. عینی حال‌دا پروکورورلوق دا تیکینتی ایشلرینین دایاندیریلماسی باره‌ده قطعی گؤستریش وئرمدیینه گؤره قانونسوزلوق ائدیر"،- فریدون بابایی اقده‌م بیلدیریب.

شهر شوراسینین سؤزچوسو شرقی آذربایجان مدنی ایشلر تشکیلاتینی دا اتهام ائدیب و بو قورومون نظارتینده اولان پارکدا قانون‌سوز تیکینتی ایشلرینه گؤز یومدوغونو دئییب.

قید ائدک کی، بیر نئچه هفته اول تبریز بلدییه‌سی گلستان باغی اراضی‌سینین ۱۰۰۰ کوادرات مترینی تهلوکه‌سیزلیک اورگانلارین‌دان بیرینین اختیارینا وئریب. بوندان سونرا تاریخی پارکدا آغاجلار کسیلیب و یاشیللیق زولاغینین محو ائدیلمه‌سینه باشلانلیب.

شهر شوراسینین بیر نئچه عضوو، مدنی فعاللارین و یئرلی اهالینین اعتراضلارینا باخمایاراق، تیکینتی ایشلری داوام ائتدیریلیر.