گورجو دیلی فارس دیلی ایله اورتاق کؤکه مالک‌دیر و بو دیل‌ده ۳۰۰۰-دن چوخ فارس سؤزو وار و بو، ایکی خالق آراسین‌دا اوزون مدت داوام ائد‌ن قارشی‌لیق‌لی علاقه‌لری گؤستریر.

Kult.az خبر وئریر کی، بونو ایرانین گرجستان‌داکی مدنیت مشاویری مهدی سعادت‌نژاد دئییب.

"سووتلر بیرلیینین داغیلماسیندان و گرجستانن مستقیل‌لییندن سونرا بو اؤلکه‌ده فارس دیلینین یاییلماسی و تدریسی اوچون الوئریشلی شرایط یارادیلسا دا، رسمی تیفلیس‌ین ۲۰۰۸-جی ایلده‌ن بو یانا باشلاتدیغی سیاسی دییشیکلیکلر بونا مانع اولوب"،- ایران رسمی‌سی گرجستان حاکمیتیندن ناراضی‌لیق ائدیب.

سعادت‌نژاد ۱۶ ایل اول فارس دیلینین تدریسی و یایلماسی اوچون ایرانین گجستان‌دا ۴ مکتب آچدیغینی، آنجاق گورجولرین بونا رغبت گؤسترمدیکلرینی اعتراف ائدیب و فارس دیلینه ماراغین آرتیریلماسی اوچون مختلف تدبیرلر پلانلاشدیریلدیغینی سؤیله‌ییب.

تورکییه‌نین گرجستان‌داکی نفوذوندان ناراحاتلیغینی افاده ائد‌ن مدنیت مشاویری، خاریجی سئریاللارین، خصوصاً تورکییه سئریاللارینین بو اؤلکه‌ده فارس دیلی یئرینه باشقا دیللرین، او جمله‌دن تورک دیلینین اؤیرنیلمه‌سینه سبب اولدوغونو بیلدیریب.