«هیئت تحریر الشام" (هتش) سلاح‌لی گروپلاشماسینین لیدری ابو محمد ال-جولانی‌نین «سکای نیوز» تله‌کانالینا مصاحیبه‌سین‌ده سسلندیردیی ایکی فکر سوریادا باش وئره‌نلر و پرسپکتیوله باغلی فکرلری اؤنه چیخاریر.

جولانی بیلدیریر کی، اونلار اوچون ان بؤیوک تهلوکه حزبوللاه، سوریادا ایرانین دستکلدیی سلاح‌لی بیرلشمه‌لر و رژیم ایدی. سوریادا باش وئره‌نلرین اسرائیلین حماس-لا محاربه‌سی، لیوان عملیاتی، عمومی‌لیکده ایرانین پروکسی قوه‌لرینی سیرادان چیخارماق اولدوغو آیدین گؤرونوردو. جولانی بونو تصدیق ائدیر و امین‌لیک یارانیر کی، اسدین دئوریلمه‌سی ایله نتیجه‌لنه‌ن عملیاتین آرخاسین‌دا آمریکا/اسرائیل اولوب. و بو، هم ده او دئمک‌دیر کی، سوریانین یئنی حاکمیتی بوتون طرفلرله - تورکییه، آمریکا، اسرائیل، حتی اسده دستک وئره‌ن روسیا ایله ایشله‌سه ده، ایرانی یاخین قویمایاجاق. ممکن‌دور کی، تهرانلا مسافه‌لی تماسلار قورولسون.

بئله‌لیکله، تام آیدین اولدو کی، سوریا محاربه‌سینین بیرمعنالی ایتیره‌ن طرفی ایران‌دیر.

جولانی‌نین سسلندیردیی «خالق محاربه‌دن توکنیب. اونا گؤره ده اؤلکه نوبتی محاربه‌یه حاضر دئییل و محاربه‌یه قاریشماق نیتی ده یوخدور» سؤزلری ایسه فکرلری معین قدر قاریشدیریر. چونکی خالق محاربه‌دن توکنسه ده، سوریادا توققوشما و مناقشه باشا چاتماییب. بونو اؤلکه‌ده هله ده قالان قوه‌لر و اونلارین ماراقلاری دا تصدیق ائدیر.

۱. تورکییه اسدین دئوریلمه‌سینده آمریکا/اسرائیلله عینی مؤقع‌دن چیخیش ائتسه ده، پ.ی.د/.یپ.گ مسئله‌سینده توققوشاجاغی قاچیلمازدیر و بو، سوریانین شمالین‌دا قارشی‌دورمانین داوام ائدجیی دئمک‌دیر؛

۲. سوریا اراضی‌سینه اوردو یئریدن اسرائیل شام استقامتین‌ده ایر‌لیله‌ییب؛

۳. روسییا طرطوس و حمیمیم بازاسینی آسانلیقلا الده‌ن وئرمک ایستمیر؛

۴. قوشونلارینی سوریادان چیخارمایاجاغینی بیان ائد‌ن آمریکا ایشید تهلوکه‌سینی آکتوال اولاراق ساخلاییر؛

۵. و ان بؤیوک ضربه آلان ایران دا ایتیردیکلرینی آسانلیقلا هزم ائتمه‌یه‌جک؛

بوتون بونلار سوریایا یئنی و داها بؤیوک توققوشمالار وعد ائدیر. چونکی ایندییه قدر اؤلکه‌لر طرفلرینی هدفده اولان اسد اوزریندن معین ائدیردیلر، بوندان سونرا ماراقلارین توققوشماسی داها آچیق موستوییه کئچیر. بو منظره فونوندا سوال یارانیر: ایرانی – حزب‌اللهی اؤلکه‌دن چیخارماق میسییاسینی یئرینه یئتیره‌ن «هیئت تحریر الشام" اؤلکه‌یه نظارتی اله آلماق اوچون مباریزه آپارمایاجاقسا، بوندان سونرا میسییاسی نه اولاجاق؟ بو سوالین جوابی تام آیدین دئییل. اما سوریانین دفاکتو بؤلونمه‌سینین داها دا درینله‌شه‌جه‌یی و مرکزی حاکمیتین ضعیفله‌یه‌جه‌یی قاچیلماز گؤرونور.