اوکراینا پرزیدنتی ولادیمیر زلنسکی ماجاریستان باش ناظیری ویکتور اوربانین روسیا پرزیدنتی ولادیمیر پوتینه زنگینه ایرونییا ایله رئاکسییا وئریب.

Axar.az خبر وئریر کی، زلنسکی سوریانین دئوریلمیش و روسیایا قاچان پرزیدنتی بشار اسدله مقایسه آپاریب.

"هامیمیز امید ائدیریک کی، ویکتور اوربان هئچ اولماسا، مسکوایا زنگ ائدیب، اسدین بیر ساعتلیق محاضره‌لرینی دینله‌مه‌یه‌جک. تمامیله آیدیندیر کی، رئال صلحه و تأمیناتلی تهلوکه‌سیزلییه نایل اولماق آمریکا-نین قطعیتینی، آوروپا بیرلیینی و بوتون طرفداشلارین بیرلشمیش ملتلر تشکیلاتی نظامنامه‌سینین مقصد و پرینسیپلرینه عمل ائتمک عهدلیینی طلب ائدیر"، - زلنسکی وورغولاییب.

او، همچنین سیاستچیلری بیرلیک باهاسینا اؤز ایمیجلری ایله اویناماماغا، عمومی اوغورون قایغیسینا قالماغا چاغیریب.

قید ائدک کی، بو گون اوربان روسیا لیدری ولادیمیر پوتینه زنگ ائدیب.