ایران رهبری علی خامنه‌ای بو گونکو چیخیشین‌دا سوریانین اشغال اولوندوغونا اشاره ائدیب و بو اؤلکه‌نین تئزلیکله آزاد ائدیلجیینی دئییب.

Axar.az خبر وئریر کی، اونون بو باره‌ده‌کی چیخیشینی ایران تلویزیاسی یاییب.

«سوریانین اله کئچیریلن بؤلگه‌لری غیرت‌لی سوریالی گنجلر طرفین‌دن آزاد ائدیله‌جک. بونون باش وئرجه‌یینه و آمریکانین دا مقاومت جبهه‌سی طرفیندن بؤلگه‌دن قووولاجاغینا شبهه ائتمیین"،- او بیلدیریب.

خامنه‌ای سوریادا اسدی دئویره‌ن مخالف گروپلارین آدلارینی چکمه‌دن اونلاری اؤلکه‌نی اله کئچیرمک‌ده اتهام ائدیب:

"البته کی، قید ائتدییم بو هجوم‌چولارین هر بیرینین اؤز مقصدی وار. اونلارین مقصدلری فرق‌لی‌دیر؛ اونلارین بیر قیسمی سوریانین شمالین‌دان و بیر قیسمی ایسه جنوبوندان اؤلکه‌نی اشغال ائتمک ایستییرلر".

ایران رهبری آمریکانین یارانمیش وضعیت‌دن استفاده ائد‌رک بؤلگه‌ده اؤز موقعینی گوجلندیرمه‌یه چالیشدیغینی، آنجاق بونون باش توتمایاجاغینی سؤیله‌ییب.