حاضردا غربی آذربایجان ایالتینین اورمیا، خوی و سالماس بؤلگه‌لرینده تورپاق چؤکمه‌سی جدی پروبلم اولسا دا، بو سلماس و کهریز دوزه‌نلیکلرینده شدت‌لی و چوخ شدت‌لی سویه‌یه چاتیب.

Axar.az خبر وئریر کی، بو باره‌ده غربی آذربایجان رگیونال سو تصروفاتی اداره‌سینین یئرآلتی سو تدقیقاتلاری شعبه‌سینین مدیری عباس محمدی خبردارلیق ائدیب.

"آدی چکیله‌ن بؤلگه‌لرده وضعیت کریتیک‌دیر و آذربایجان گئولوژی تشکیلاتینین آراشدیرمالارینا گؤره اؤلکه‌ده آردیجیل قوراقلیقلار و سون ایللرده باش وئره‌ن ایقلیم دییشیکلیکلری نتیجه‌سینده غربی آذربایجان ایالتینین رایونلاریندا تورپاقلارین چؤکمه سرعتی آرتیب"،- او بیلدیریب.

محمدی، غربی آذربایجان ایالتین‌ده تورپاق چؤکمه‌سی پروسسینین ۲۰۰۶-جی ایلده‌ن باشلادیغینی، سون ایللر ایسه بونون سرعتی و احاطه ائتدیی اراضی‌نین آرتدیغینی سؤیله‌ییب.

اونون سؤزلرینه گؤره، حاضردا ایالت‌ده اورتالاما ایللیک تورپاق چؤکمه‌سی ۷ سانتیمتردیر.