چچنیستان حاکمیتی بیر گون اول بیلدیرمیشدی کی، رمضان کادیرووون گؤستریشی ایله اونلار باکی‌دان گروزنیا اوچان آذال طیاره‌سینین قزایا اوغراماسی نتیجه‌سینده هلاک اولانلارین و یارالانانلارین عائله‌لرینه مادی و دیگر یاردیم گؤسترمه‌یه حاضردیرلار.

Axar.az خبر وئریر کی، آذربایجان پرزیدنت آدمینیستراسیاسین‌دان بیلدیریلیب کی، اؤلکه‌نین هئچ بیر کمکه احتیاجی یوخدور و بئله بیر کمکی قبول ائتمه‌یه‌جک.

"آذربایجانین هئچ بیر کمکه احتیاجی یوخدور. نه دولت، نه ده وطنداشلار بئله یاردیمی قبول ائد‌جکلر. بیز وطنداشلاریمیزا لازیمی یاردیملاری گؤستریریک و گؤسترجه‌ییک. آذربایجان فاکتین قبول ائدیلمه‌سینی، عذر ایستنیلمه‌سینی و موافق تظمیناتین اؤدنیلمه‌سینی طلب ائدیر"، - دئیه بیلدیریلیب.

قید ائدک کی، اؤتن گون باکی-گروزنی مارشروتو اوزره اوچان "امبرایر ۱۹۰" سرنیشین طیاره‌سی آکتائونون هاوا لیمانیندان ۳ کیلومتر مسافه‌ده قزایا اوغراییب.

آکتائو شهرینده قزایا اوغرایان باکی-گروزنی ریسینی یئرینه یئتیره‌ن «امبرایر ۱۹۰» طیاره‌سین‌ده ۶۲ سرنیشین، ۵ اکیپاژ عضوو اولماقلا، عمومیلیکده ۶۷ نفر اولوب. قزادا ۳۸ نفر اؤلوب، ۲۹ نفر ساغ قالیب.

طیاره‌نین گروزنی سماسیندا روسیا هوا هجوموندان مدافعه سیستمی واسطه‌سیله وورولدوغو اوزه چیخیب. روسیا صلاحیت‌لیلری زده‌لنمیش طیاره‌نین ائنیشینه اجازه وئرمه‌یه‌رک، اونو آکتائویا استقامتلندیریب.