سوریادا ۱۰ ایلدن آرتیق مباریزه نتیجه‌سینده اسد دیکتاتوراسی دئوریلدی و بیز ایران‌دا ظلم آلتیندا یاشایان خالقلارین نماینده‌لری اولاراق تهران رژیمینین ده اوخشار تالعی یاشاماسینی ایستییریک.

Axar.az خبر وئریر کی، بو "مقدراتینی تعین‌ائتمه حقوقو اوغروندا ملتلرین جبهه‌سی"نین (ملتلر جبهه‌سی) بیاناتیندا بیلدیریلیب.

"سوریا مخالیفلرینی سوسدورماق اوچون ایرانین امکانلاری و ثروتلرین‌دن ده استفاده اولونوب. بونا گؤره ده سوریا قوه‌لریندن سفیرلیک و کونسوللوقلار دا دایل اولماقلا ایرانین سوریاداکی املاکلارینین و سرمایه‌لرینین اداره‌سینی ملتلر جبهه‌سینه تحویل وئرمه‌لری خواهیش اولونور"،- بیاناتدا تکلیف ائدیلیب.

بیانات مؤلفلری بونونلا یاناشی ب.ام.ت-یه ده مراجعت ائد‌رک، ایرانن سوریاداکی سفیرلیک، کونسوللوق و باشقا مولکلرینین اداره‌چیلیینین ملتلر جبهه‌سینه وئریلمه‌سینی دستکله‌مه‌سینی و بونو رسمی اولاراق تانیماسینی ایسته‌ییبلر.

قید ائدک کی، "مقدراتینی تعیین ائتمه حقوقو اوغروندا ملتلرین جبهه‌سی"نین (میللتلر جبهه‌سی) ایران‌دا یاشایان آذربایجان، خراسان، قشقای تورکلری، عرب، بلوچ و کورد خالقلارینین نماینده‌لریندن عبارت سیاسی قورومدور.