خبر وئردییمیز کیمی، ۲۵ دکابردا باکی-گروزنی ریسینی حیاتا کئچیره‌ن آذال طیاره‌سی آکتائو هاوا لیمانی یاخینلیغیندا قزایا اوغراییب.

Axar.az خبر وئریر کی، گروزنی‌دا آذال طیاره‌سینین ائنیشه جهد زمانی روسیا هوا هجوموندان مدافعه سیستمینین ضربه‌سینه توش گلدیی و زده‌لندیی، بو سبب‌دن ده قزایا اوغرادیغی آرتیق یقین‌لشیب.

گروزنی اوزرینده زده‌لنه‌ن طیاره‌نین گروزنی، ماهاچقالا، مینوود و دیگر یاخین هوا لیمانلارا ائنمه‌سینه روسیا طرفیندن اجازه وئریلمه‌مه‌سی و طیاره‌نین خزر دنیزی اوزرینه گؤندریلمه‌سی ایسه آشاغی‌داکی بین‌الخالق کونونسییالارین پوزولماسی دئمکدیر:

- ۱۹۴۴-جو ایل شیکاگو کونونسیاسی؛

- ۱۹۵۸-جی ایل جنوره کونونسیاسی؛

- ۱۹۶۳-جو ایل توکیو کونونسیاسی؛

- ۱۹۷۰-جی ایل هاآقا کونونسیاسی؛

- ۱۹۷۱-جی ایل مونرئال کونونسیاسی؛

- ۱۹۸۸-جی ایل مونرئال کونونسیاسی.

همچینین بونونلا روسیا ۱۹۹۶-جی ایل آذربایجانلا روسیا آراسین‌دا هوا علاقه‌سی حاقیندا سازشین ده کوبود صورتده پوزوب.

قید ائدک کی، طیاره‌نین آکتائو هوا لیمانین‌دا قزایا اوغراماسی نتیجه‌سینده ۳۸ نفر اؤلوب، ۲۹ نفر یارالانیب.