اؤتن گون هیندیستانین اوتار پرادش بؤلگه‌سینده هیندلی شیعه‌لرین اشتراکی ایله کئچیریلن "عاشورا" مراسیمینده امام حسینین هوندورلویو ۵۱ متر اولان سیموولیک مزاری داغیلیب.

Axar.az خبر وئریر کی، بو حاق‌دا یئرلی هیند مئدیا معلومات یاییب.

"بازار گونو گونورتادان سونرا اوتار پرادشین "کربلا" استادیونوندا ۱۰ مین نفرین اشتراکی ایله کئچیریلن ماتم مراسیمینده سیموولیک مزار (تعزیه) داغیلیب"،- معلومات‌دا بیلدیریلیب.

حادثه نتیجه‌سینده اؤلن اولماسا دا بیر نئچه نفرین یارالاندیغی قید اولونوب.

قید ائدک کی، هیندیستان‌داکی شیعه مسلمانلار آراسیندا، خصوصیله اوتار پرادش، بهار و حیدراباد ایالتلرینده یاشایان مسلمان اجماسیندا، "تعزیه" امام حسین و کربلادا هلاک اولان باشقالارینین مزارینین سیموولودور.

بو سیموول عادتاً آغاج، کاغذ، متال و بیر سیرا بزک اشیالاریندان حاضرلانیر و محرم آیینین یاس مراسیملرینده، خصوصاً ده "عاشورا" گونو نمایش ائتدیریلیر.