آذربایجان مطبخینین سئویله‌ن یئمکلردن بیری ده یارپاق دولماسی‌دیر. یارپاق دولماسینین ترکیبی دیگر دولمالاردان بیر آز فرقلی‌دیر. حاقین‌دا دقیق تاریخی معلومات چوخ آز اولسا دا، تورک-آذربایجان مطبخینین اساس یئمکلرین‌دن بیری ساییلیر. بونو دولمانین آدی ثبوت ائدیر. بو یئمک سونرالار عثمانلی ایمپئرییاسی واسطه‌سیله باشقا خالقلارین مطبخینه داخیل اولوب. ات ایستیفاده ائتمه‌دن بیشیریله‌ن نؤوو «دلی دولما» و یا «یالان‌چی دولما» آدلانیر.

آخار. آز یارپاق دولماسینین حاضرلانما قایداسینی تقدیم ائدیر:

ارزاقلار:

قویون اتی - ۱۰۰گرم
دویو - ۳۰گرم
باش سوغان - ۲۰گرم
گؤیرتی (کئشنیش، شویود و نانه) - ۱۵ گرم
اوزوم یارپاغی - ۴۰گرم
قاتیق - ۲۰گرم
ارینمیش یاغ - ۱۰گرم
دوز، ایستیوت، دارچین.

حاضرلانماسی:

قویون اتینین یومشاق حیصه‌سی باش سوغانلا بیرلیک‌ده اتچکه‌ن ماشین‌دان کئچیریلیر. قیمه‌یه دویو، گؤیرتی (کئشنیش، شویود و نانه)، دوز، ایستیوت و بعضی حاللاردا ایسلادیلمیش نوخود لپه‌سی قاتیلیر. تزه اوزوم یارپاقلاری قاینار سودا پؤرتولور، دوزا قویولموش یارپاقلار ایسه یاریم حازیر وضعیته گلینجیدک سودا بیشیریلیر. قیمه یاخشی قاریشدیریلیر. هر یارپاغا اورتا حسابلا ۲۵ قرام قیمه بوکولوب قازانا ییغیلیر، اوزرینه سو تؤکوب حاضر اولانا کیمی (بیر ساعت) بیشیریلیر. سوفره‌یه وئریلدیک‌ده آیریجا قاfدا قاتیق قویولور.