شیروان ساکینی حیطینده بو یئرلر اوچون مخصوص اولمایان قریبه حیوانا راست گلیب. حیوانی توتان آغاصمد ایبراهیموو اونون آدینی و هانسی نؤعه عایید اولدوغونو معین ائتمکده چتینلیک چکیب.

آپا معلومات وئریر کی، "چاغیریلمامیش قوناق" اوچون بالاجا بیر سیغیناجاق حاضرلایان ائو صاحبی دؤردایاقلی ییرتیجینین نه ایله قیدالاندیغینی بیلمدییندن اونا هر گون بیشمیش یومورتا یئدیزدیریر.

اینترنت اوزریندن آپاریلان آختاریشلا معین ائتمک ممکون اولور کی، لاتینجا آدی «وورملا پرگوسنا» اولان بو نادیر اکزوتیک ییرتیجینین یاییلما آریالی شیمال-غربی مغلستان و چین، بالکان یاریماداسی، اؤن آسییا و قربی آوروپایا قدر گئدیب چیخیر. بیزیم اراضیلرده ده بو ییرتیجییا راست گلمک مومکوندور. آنجاق آران‌دا اونو ایندیدک گؤره‌ن اولماییب.

اساساً صحرا شرایطینده یاشایان پرقوزنانین گؤوده‌سینین اوزونلوغو ۲۷-۳۸ سانتیمتر، یتکین نؤوونون چکی‌سی ۳۵۰-۷۵۰ گرام اولور. صحرا سیچانلاری ایله قیدالانان بو جانلینین موقتی سیغیناجاق‌دا وضعیتی او قدر ده موناسیب گؤرونمدیی اوچون ائو صاحبلری اونو زوپارکا و یا یاخین‌لیق‌دا یئرلشه‌ن هوسکار ائکزوتیک حیوان کولکسیونرلرینه تحویل وئرمیی دوشونور.