آغدامین "قاراباغ" کلوبونون آذربایجان تاریخین‌ده ایلک دفعه اولاراق فوتبول اوزره چئمپیونلار لیقاسینا وثیقه قازانماسی پایتاخت باکی کوچه‌لرین‌ده بؤیوک سئوینج هیس‌سی ایله قئید اولونوب.

رئپورت خبر وئریر کی، غلبه سئوینجی داها چوخ "نفتچیلر" پروسپکتینده حس اولونوب.

ایلک اولاراق "آزنفت" میدانیندان آوتومبیللرین سیگنال صدالاری آلتیندا یوروشه چیخان آزارکشلر، آزادلیق میدانیندا نقلیات واسطه‌لریندن ائنرک رقص ائتمه‌یه باشلاییبلار. اونلار "قاراباغ"این شانینه شعارلار سسلندیریبلر.

پایتاختین دیگر کوچه‌لرین‌ده ده فوتبول فاناتلاری آذربایجان بایراغی دالغالاندیراراق اؤز سئوینجلرینی ایفاده ائدیبلر. آزترکشلرین بو سئوینجینه باکی‌دا اولان اجنبی قوناقلار دا قوشولوبلار.

اجتماعی آساییشین تامین اولونماسی اوچون کوچه و پروسپکتلره یول پاترول خیدمتینین امکداشلاری ایله یاناشی پوست پاترول خیدمتینین امکداشلاری دا جلب اولونوب.