یوخاری

قوجا تورکون دوشدویو درد یامان هی... - ویدئو

آنا صحیفه ویدئو
12 Punto 14 Punto 16 Punto 18 Punto
قوجا تورکون دوشدویو درد یامان هی... -  ویدئو

اوزان حجت یانوارین ۶-سی گونورتا ساعتلارین‌دا وفات ائد‌ن آشیق قافار ایبراهیمینین اوغلودور.

Axar.az خبر وئریر کی، آلماس ایلدیریمینا سؤزلرینه یازیلان "قارا داستان" ("قوجا تورکون دوشدویو درد یامان هئی") آدلی ماهنی اوزان هؤججتین ایفاسین‌دا چوخ سئویله‌ن ماهنیلاردان‌دیر.

آلماس ایلدیریمین "قارا داستان" شعرینین متنینی و سؤزوگئ‌دن ایفانین ویدئوسونو تقدیم ائدیریک:

آلماس ایلدیریم -- قارا داستان

کیم‌سه بیلمز تانریداغین یاشینی،
دومان آلمیش آلتایلارین باشینی.
اوچورموش‌دور باش‌دان دؤولت قوشونو،
سروتینه اوز چئویرمیش زامان هئی...
قوجا تورکون دوشدویو درد یامان هئی...

دؤرد بیر یانا داغیلمیش تورک سویلاری،
سؤنموش اوجاق، کؤچوب گئتمیش بویلاری،
دردلی-دردلی آخار بوزکیر چایلاری،
ساخلار ایچده‌ن گیزلی اومید، گومان هئی...
قوجا تورکون دوشدویو درد یامان هئی...

آغ آلنینا قارا یازی یازیلمیش،
یایلالاردا دوگون-دمک پوزولموش،
گلینلرین گور ساچلاری چؤزولموش،
یادا قالمیش، دیلر ائلده‌ن آمان هئی...
قوجا تورکون دوشدویو درد یامان هئی...

داغ‌دان-داغا چارپیب گئتمیش دوغانلار،
قایالارا ایز بوراخمیش آل قانلار،
اوردولارا بویروق وئرمز ایلانلار،
هاردا قالمیش سدلر ییخان فرمان هئی؟
قوجا تورکون دوشدویو درد یامان هئی...

خاراب اولموش بوخاراسی، باشکه‌ن‌دی،
ماته‌م توتموش سمرقه‌ن‌دی، داشکه‌ن‌دی،
کن‌دی سؤیلر، تؤکر گؤزدن یاش کن‌دی،
نه اوزان وار، نه یازان، نه شامان هئی...
قوجا تورکون دوشدویو درد یامان هئی...

قازان، باشقورد باتمیش، کیریم سورولموش،
منیم بادام گؤزلو یاریم سورولموش،
قوهوم-قونشوم، بوتون واریم سورولموش،
بولونورمو سیبیریادا ایمان هئی...
قوجا تورکون دوشدویو درد یامان هئی...

تورک ائللری بیر-بیرینه یادلانیر،
قازاخ، قیرغیز، تورکمه‌ن،اؤزبک آدلانیر،
آذری تورک یانیر، ایچده‌ن اودلانیر،
آنا یوردون ایچده‌ن حالی دومان هئی...
قوجا تورکون دوشدویو درد یامان هئی...

اورخون چاغلار، یاتمیش ائللر آییلماز،
تاریم چایی دوغرو یولا قویولماز،
هئی سس‌لنیر آمودریا، دویولماز
بو دریادا قالمامیش‌دیر درمان هئی...
قوجا تورکون دوشدویو درد یامان هئی...

خزر جوشار، خبر سالار کورونه،
آخار گئدر، کور سورونه-سورونه،
ایدیل آغلار، آلتون اوردو یئرینه،
آرال کن‌دی وارلیغین‌دان پئشمان هئی...
قوجا تورکون دوشدویو درد یامان هئی...

آذربایجان درد ایچین‌ده بوغولموش،
سئوه‌نلری دیار-دیار قووولموش،
آغلا، شاعر، آغلا، یوردون داغیلمیش،
هاردا قوپوز، هاردا قیریق کامان هئی؟..
هاردا بؤیوک وطن، هاردا "توران" هئی؟..

تاریخ
2019.01.07 / 13:08
مولف
آیتاج آراز
دیگر خبرلر

دوستجان‌لی تولکو تیکونون جیزگی فیلمی!

اوچان تاکسیلر نیویورک‌دا ایلک اوچوشلارینی حیاتا کئچیردی

آذربایجانی دونیایا تانیدان کلاغاییلار – ویدئو

بالالار اوچون: آلا-بولا بوز کئچی - ویدئو

ناغیل: آیی دجل کئچه‌لی نئجه اودور؟ - ویدئو

قیز-گلینلری قورویان قالامیز – پری قالا

خودآفرینین فطری ایستعدادلی آشیغی - ویدئو

تبریزین ۶۰-۷۰-جی ایللر ماهنیلاری - ویدئو

ملی حکومتین قورولماسین‌دان بحث ائد‌ن سندلی فیلم یاییلدی - ویدئو

آذربایجانی حیران ائد‌ن تبریزلی اوپئرا موغننیسی – ویدئو

خبر خطّی
Axar.az'da reklam Bağla
Reklam
Bize yazin Bağla