سورییاداکی محاربه‌نین دهشتلری عماد الدین نسیمینین مزاریندان دا یان کئچمه‌ییب. اما بیز بوتون گوجوموزله نسیمینین مقبره‌سینی قورویوروق.

Kult.az خبر وئریر کی، بو سؤزلری آذربایجانین گؤرکه‌ملی شاعری ایماد الدین نسیمینین حلب شهرین‌ده یاشایان قوهومو بشار نسیمی بین احمد جؤودت نسیمی Modern.az-ا موصاحیبه‌سین‌ده دئییب.

او بیلدیریب کی، گؤرکه‌ملی شاعرین مزارینین تعمیره احتیاجی وار:

«همین یئرده تکجه نسیمینین مزاری یئرلشمیر. دئمک اولار کی، نسیمینین ان یاخینلارینین دا مزاری اوردادیر. منیم آتامین قبری ده نسیمینین مقبره‌سینده‌دیر. محاربه‌نین ان قیزغین واختلارین‌دا گؤروردوک کی، ترورچولار نسیمینین مقبره‌سینی، اونون اطرافینداکی قبیرلری داغیتماق ایستییرلر. حاضردا مقبره و اطراف‌داکی مزارلاردا چاتلار، داغینتیلار وار. بیز نسیمینین مقبره‌سین‌ده‌کی قبیرلرین هامی‌سینین قئیدینه قالیر، اونلاری محافظه ائتمه‌یه چالیشیریق. مزارلیغین تعمیر خرجلری چوخ باهادیر. بیز نسیمینین قوهوملاری اولاراق، تعمیر خرجلرینی تام قارشیلایا بیلمیریک».

بشار نسیمی بین احمد جؤودت علاوه ائدیب کی، سورییادا نسیمینی آذربایجان شاعری کیمی تانیییب سئویرلر.