بیر دفعه گونش برک یورولدو. داها یاتاق‌دان قالخماق ایسته‌مه‌دی. دونیایا قارانلیق چؤکدو. یئرین ساکینلری آداملار، حیوانلار، قوشلار بیر یئره ییغیشیب مصلحتلش‌دیلر. چوخ گؤتور-قوی‌دان سونرا گونشین یانینا قاصید گؤندرمیی قرارا آلدیلار. دئدیلر:

-قوی گئدیب گونشه یالوارسین، بلکه اونون سؤزونه باخیب یاتاقدان قالخدی.

-گونشین ائوی سیخ مئشه‌نین، اوجا داغین، آخیرینجی دنیزین آرخاسین‌دا ایدی. اورا یالنیز قوشلار گئدیب چیخیردی. یئرین ساکینلری توووزقوشونو سئچدیلر. دئدیلر:

-او، چوخ گؤزلدیر. گونش اونون سؤزونو یئره سالماز.

-توووزقوشو یولا دوشدو. مئشه‌نی کئچدی، داغدان آشدی، دنیزین اوزرین‌دن اوچوب گونشین پنجره‌سینه قوندو. اونو اویاتماغا باشلادی. گونش گؤزونو آچمادان سوروشدو:

- کیمسه‌ن، نه ایستییرسن؟

- من توووزقوشویام. سنی اویاتماغا گلمیشه‌م. تئز چیخ ایشلر چتینه دوشوب.

- کیمین ایشی‌دیر چتینه دوشه‌ن؟

- لاپ ائله منیم. قارانلیقدا قارغادان سئچیلمیرم. الوان قویروغومو هئچ کس گؤرمور.

-گونش حیرسله‌ندی.

- دئمه‌لی من سنین قویروغونا لازیمام. رد اول بوردان. بیر قویروغا گؤره بوتون دونیانی ایشیقلاندیرماق ایستمیرم.

Kult.az-این بو گون بالاجا اوخوجولارینا تقدیم ائدجیی ناغیل "گونشین ناغیلی" آدلانیر. ناغیلین آردیندا نلر اولور؟ گونشی یئنی‌دن چیخماغا، اطرافا بویلانماغا هانسی جانلی وادار ائدیر؟ داها اطراف‌لی ویدئودان باخا بیلرسینیز: