خزر سلیمان‌لی آذربایجانین تانینمیش قیراعت‌چیلریندندیر. او، سسله‌ندیره‌رک یئنی نفس وئردیی شعیرلره اؤزونه مخصوص بیر چالار علاوه ائدیر. بلکه ده، اونون سسلندیردیی شعیرلری دفعه‌لرله دینله‌مه‌یه اینسانی غیری-ایختیاری مجبور ائد‌ن ده ائله بو چالاردیر.

رامیز رؤوشن ایسه پویزییامیزین، معاصر آذربایجان نظمینین اؤندر شاعریدیر.

Kult.az خزر سلیمانلینین ایفاسیندا آذربایجانین گؤرکه‌ملی شاعری رامیز رؤوشنین "عمرومون یاغیش‌لی گونلری" شعرینی تقدیم ائدیر:

عمرومون یاغیش‌لی گونلری باشلار،
یاغیش‌لی گونلری باشلار عمرومون.
بو یاغان یاغیشلار، یاغان یاغیشلار،
بیلمیرم، نیینی خوشلار عمرومون؟!..

بو گلن پاییزین سولاری سویوق،
کولکلری هیرسلی، یاغیشی اینجیک.
منیم اللریمین سیغالی سویوق،
سنین گؤزون یاشلی، باخیشین اینجیک.

دوشور چینیمیزه پاییز یارپاغی،
ائله بیل اؤلودو، تابوتدان دوشور.
آغاجلار هامی‌سی چیلپاقدی آخی،
بلکه دوشن یارپاق بولوددان دوشور.

بیر یالان سئوگی‌دن یورولماق آسان،
بیر اؤلن سئوگینی دیریلتمک چتین.
گونش‌لی گونلرده وورولماق آسان،
یاغیش‌لی گونلرده اونوتماق چتین.