آنا صحیفه ویدئو |
فاطما عباس قیزی مختارووا ۲۶ مارت ۱۸۹۳-جو ایلده جنوبی آذربایجانین اورمییه شهرینده دوغولوب.
کولت. آذ خبر وئریر کی، کیچیک یاشلاریندان عائلهسی ایله بیرلیکده روسییایا (اوللر روستووا، سونرا ایسه پطربورگا) کؤچوب.
آتاسی عباس رضایئو او، ۳ یاشیندا اولارکهن وفات ائتدییندن آناسی سارا خانیم ایکینجی دفعه ستار مختاروو آدلی بیر نفرله عائله حیاتی قورموشدور. ۱۹۱۰-جو ایلده یئنی عائله ساراتوودا مسکونلاشدی. آرتیق ۱۲ یاشیندا فاطما مختارووا شارمانکا ایله کوچهلرده ماهنیلار اوخویور پول قازانیردی. اونو ساراتوودا "کاتیا مختارووا" و یا "شارمانکاچی کاتیا" اولاراق تانیییردیلار. او، پول ییغماغا باشلاییر و ۱ ایل عرضینده دؤور اوچون هئچ ده آز اولمایان مبلغ - ۱۰۰۰ روبل توپلایا بیلیر. ساراتووون "ایسپراووچنی لیستوک" قزئتی یازیر کی، فاتما همین پوللارلا دمیر یولوندا چالیشان ل. کامئنسکینین عائلهسینین یانینا یوللانیر. اونون خانیمی اوپئرا ایفاچیسی ایدی. بورادا فاطمایا موسیقی اؤیردیلجیی سؤزو وئریلسه ده، هر شئی فرقلی اولور.
"ایجتیماعیتدن" اولان قوناقلار گلن زامان ایسه اونا درحال فرقلی گئییملر گئییندیریر، "جنابلار" و "خانیملار"لا بیر ماسایا ایلشدیریرلرمیش.
بو دوروموندان چوخ مایوس اولان فاطما یاشانانلاری اونون تالعیله چوخ ماراقلانان ژورنالیسته، "ساراتووسکی لیستوک"اون باش رداکتورو نیکولای آرخانگئلسکییه دانیشیر. ضیالی، تئاتر و اوپئرا هوسکاری اولان آرخانگئلسکی اونا بو گوندن هئچ بیر "تعلیم"این اولمایاجاغینا سؤز وئریر. باش رداکتور موسیقی مکتبینده اونون اوچون خئیرییه کنسرتی تشکیل ائدیر. کنسرته کیفایت قدر دینلییجی توپلاشدی و بونا گؤره ده، توپلانان پوللار فاطمانین ساراتوو کونسئرواتورییاسیندا تحصیل آلماسینا کیفایت ائتدی.
۱۹۱۳-جو ایلده فاطما موختارووا ایلک دفعه باکییا گلمیشدیر. باکی اونا موستثنی موفقیت گتیریر و بورادا اونا خصوصی دقت یئتیریرلر.
داها اطرافلی معلوماتی ایسه ویدئودان دینلهیه بیلرسینیز.
تاریخ
2020.01.27 / 16:55
|
مولف
آیتاج آراز
|