بالاجا بالالار اوچون نظرده توتولموش اوشاق ادبیاتی سئرییامیزدان تقدیم ائدجییمیز نؤوبتی ناغیل "آخماق جاناوار" آدلانیر.

بو ناغی‌دا آج جاناوار اولجه قویون، آردینجا قوزو، سون‌دا ایسه آت ایله قارشیلاشیر. اما آخماق‌لیغی اوجباتین‌دا قارنینی دویورا بیلمیر، هر اوچ حیوان طرفین‌دن آلدانیر. آلداندیغینی گؤره‌ن آخماق جاناوار سون‌دا آشاغی‌داکی نغمه‌نی اوخویور:
گئتدین، گؤردون قوزو،
نئینیرسن ایستیوتو، دوزو؟
یه، قال‌سین قورو بوینوزو.
گئتدین، گؤردون قویون،
نئینیرسن اویون-مویون؟
یه، قال‌سین قوروجا بویون.
گئتدین، گؤردون جامیش،
نئینیرسن پالچیغین اووموش؟
یه، جانینا اولسون نوش.
گئتدین، گؤردون آت،
نئینیرسن کاغیذ، بارات؟
یه، یانین‌دا ییخیل یات.