روسییا قوشونلارینی خرسون‌دان چیخاریر. سبب ایسه اوکراینا اوردوسونون کؤرپولری وورماسینا گؤره خرسون‌دا تجهیزاتین ضعیف‌لیگی و مدافعه‌نین چتین اولماسی‌دیر.

Axar.az خبر وئریر کی، بو فیکیرلری روسییالی پولیتولوق، سیاسی آراشدیرمالار مرکزینین دیرکتورو سرگئی مارکوو دئییب.

«خرسونون تسلیم ائدیلمه‌سی روسییانین اس اس ار ای-نین داغیلماسین‌دان بری ان بؤیوک گئوسییاسی مغلوبیتی‌دیر. بو بؤیوک مغلوبیتین سیاسی نتیجه‌لری حقیقتا ده بؤیوک اولاجاق. بو مغلوبیتین اساس سببی رئال محاربه‌دن ایمتینا و محاربه‌نین باشلانماسی ایله باغلی قرارلارین وئریلمه‌سین‌ده فلاکت‌لی گئجیکمه‌دیر. خرسونون تسلیم اولماسی صلحه سبب اولاجاق‌می؟

خرسونون تسلیم اولماسینین سیاسی سببلری ایله باغلی ان عمومی نقطه نظر خرسونون دؤیوشسوز تسلیم اولماسی‌دیر. چونکی واشینگتن خرسونون تسلیم اولماسین‌دان سونرا دانیشیقلارا باشلایاجاغینا و روسییا اوچون آلچالدیجی، دفاکتو کاپیتولیاسییا معناسینا گلمه‌یه‌ن آتشکس مقاویله‌سینین باغلانماسینا سؤز وئریب. بس ساللیوانین پلانی ندن عبارت‌دیر؟ اگر روسییا اوردوسو اوکراینا سلاح‌لی قوه‌لری طرفین‌دن آتشه توتولمادان ساکیت شکیل‌ده خرسونو ترک ائد‌رک دنپرین قارشی طرفینه کئچسه، بیز بونون تصدیقینی گؤرجییک. اگر کئچید زامانی آتش آچیلسا، دئمه‌لی، آمریکا ایله هئچ بیر راضیلاشما یوخدور».