امین ثابیتوغلو آذربایجان موسیقی تاریخینه آدینی قیزیل حرفلرله یازدیران نهنگ بسته‌کاردیر. او، ۶۰۰-دن آرتیق ماهنی، ۹ موسیقیلی کمدییا، ۴۰-آ یاخین فیلمه موسیقی بسته‌له‌ییب.

Axar.az خبر وئریر کی، "شوکرییه"، "باکی، صاباحین خییر"، "اوزاق یاشیل آدا"، "پاییز گلدی"، "آمان آیریلیق" کیمی ماهنیلاری چوخسایلی اثرلریندن ساده‌جه بیر نئچه‌سی‌دیر.

تاماشالارا یازدیغی موسیقیلر ایسه او قدر چوخ‌دور کی، سایینی هئچ بستکارین اؤزو ده دوغرو-دوروست بیلمه‌ییب. پایتخت تئاترلاری ایله یاناشی سومقاییت، گنجه، لنکران، مینگه‌چئویر، ناخچیوان تئاترلارینین تاماشالارینا موسیقی بسته‌له‌ییب. بسته‌کار ۲۰۰۰-جی ایلده وفات ائتمه‌سینه باخمایاراق،هله ده اثرلری ایله یادداشلاردا قالیب.

بسته‌کارین اؤز ایفاسین‌دا "گل، قوشولاق دورنالارا" ماهنی‌سینی تقدیم ائدیریک:

میناره‌لی ایستانبول‌دا
هر گون باکی دوشر یادا.
کؤنول ایستر بو هسرته
کدرلی بیر نغمه حصر ائده...

گل قوشولاق دورنالارا
وطن ساری اوچاق... اوچاق...
قوجالیغیم نه یاخینمیش،
جاوانلیغیم نئجه اوزاق.

گؤی بوسفوردا گمی اوزر
یادا دوشر ماوی خزر...
تالعیم گتیردی بورا،
باکی هارا، بورا هارا...