۱۹۹۶-جی ایل اوکتیابرین ۲۹-دا گؤرکملی دراماتورگ حسین جاویدین مقبره‌سینین آچیلیش مراسیمینه قاتیلماق اوچون باکیدان ناخچیوانا یوللانان شاعرلر طیاره‌ده اونا اتحافا شعر یازیبلار.

کولت. آذ خبر وئریر کی، سؤزوگئدن شعرلر طیارده قلم آداملارینین بیر-بیرینه اؤتوردوکلری قوشا ورقه یازیلیب:

کمال عبدالله:

محنتی آتا بیلسیدیم،

سنه قوووشا بیلسیدیم،

سندن سوروشا بیلسیدیم،

آتا، ایندی راحتسانمی؟

قابیل:

مقبرن مرمر، آی آتام،

سؤزلرین گؤوهر، آی آتام،

بختسیز بختور، آی آتام،

فرحسنمی، فریادسانمی؟

موسی یعقوب:

بو ناخچیوان دیاریندیر،

مرمر توربه حاصاریندیر،

آتشی-عشق مزاریندیر،

سن ابدی حیات‌سانمی؟!

جابیر نووروز:

آناملا یان-یانا اویویان آتا،

آنامدان خبرسیز، مندن خبرسیز.

اوغلویلا بیر یئرده باش قویان آتا،

آنامدان خبرسیز، مندن خبرسیز.

زلیمخان یاقوب:

ایلک قیسمتین قارلی سیبیر،

دایاقلارین دؤزوم، صبیر.

بیر ایدی، اوچ اولدو قبیر،

دوستاقسانمی، آزادسانمی؟

فیکرت قوجا:

جرگه‌لره دوزولمه‌یه‌ن،

آ دونیاسی دوزلمه‌یه‌ن،

دؤورانییلا دوز گلمه‌یه‌ن،

یئنه همین اینادسانمی؟

صابیر روستمخانلی:

اولو توران، اولو نیت،

حاقا واران بشریت.

اوچوش یئرین ابدیت،

مرمرلشن قانادسانمی؟

رافائل حسئینوو:

حسرتینیز – اؤزون یاشلی،

دردلرینیز – سؤزون یاشلی.

قبرین، عمرون، گؤزون یاشلی،

اریمه دین – پولادسانمی؟

نبی خزری:

جللادلارین زامانیندا،

قالدین الله آمانیندا.

حسین جاوید عمانیندا

سن جوشان باتاباتسانمی؟

بکیر نبیئو:

اوریین‌ده اوغول داغی،

آهین یاندیردی سازاغی.

آخیر کی، تاپدین اویلاغی،

اوغوزسانمی، بایاتسانمی؟

میکاییل میرزه:

آتام، آنام – محببتیم،

سن‌سیز نه یدیم؟ – واللاه یئتیم.

منیم قبیر سعادتیم –

توراندان خبردارسانمی؟

سلام:

چوخ عذابا توش اولدو جان،

گؤزلرینی بورودو قان.

او بویدا آغیر یارادان،

هله ساغ-سالامات‌سانمی؟

رفیق زکا:

تورکلوک سنین قانیندادیر،

روحوندادیر، جانیندادیر.

آتام، آنام یانیندادیر،

تورپاغیندا راحت‌سانمی؟

فرمز ماقصودوو:

اؤلومسنمی، حیات‌سانمی،

اومیدسنمی، نجات‌سانمی،

بیر کئچیلمز صیرات‌سانمی،

بیر آشیلماز فیرات‌سانمی؟

ماهیر قارایئو:

اوخونماز، توران اوخونماز،

یاسینین، سورن اوخونماز.

سیبیرده قران اوخونماز –

اینجیلسن‌می، تؤورات‌سانمی؟

موسا اورود:

آخیر گولدو کور باخت، آتا!

نه یومشاقدی تورپاق، آتا!

میشکینازدان توختاق آتا،

توران‌دان ناراحات‌سانمی؟

شاهمار اکبرزاده:

میشکینازین یانا-یانا،

نور اله دین غبارینا.

گلین کؤچدو مزارینا،

کاما یئته‌ن بیر آدسانمی؟

مممد آراز:

بو تورپاغین اوریینه چکیلدین،

اوریینه، ببه یینه چکیلدین،

دن-دن اولوب سینه‌سین‌ده اکیلدین،

بیتمک اوچون آزادسانمی، افندیم؟