رسمی کیئودن تهرانا خبردارلیق: داغیدیجی نتیجهلر...
7 سئنتیابر 18:15
آنا صحیفه ادبیات |
فیکرت قوجا
سن گئدندن یوخوم قاچیب،
فیکریم قاریشیب،
چاشیب آغلیم،
باشیم چاشیب، اوغلوم.
روحوم بو حالیملا باریشیب، اوغلوم.
بلکه هئچ اولدن یوخوم یوخ ایمیش...
بلکه اوزون عمروم،
بیر اوزون قاریشیق یوخو ایمیش...
سن واردین آخی،
سنین هر آرپا بویو
بوی آتدیغینی ایزلییردیم.
سنی یامان گؤزدن،
یالان سؤزدن،
سورتوک اوزدن
اورییمین ایچینده گیزلییردیم.
ایندی اوتوز اوچ گوندو
بیلمیرم اورییم آغریییر،
یوخسا اورییمین ایچینده سن آغریییرسان.
من آغلاماغی باجارمیرام، اوغلوم،
یقین اورییمین ایچینده سن آغلیییرسان.
اوغوللار آتادان اوزون یاشایار.
آتادان سونرا
آتاسینین آدینی آلنیندا داشییار.
بلکه من سنین حیاتیندایام، اوغلوم.
گؤزلریم یاتمیر،
هاوام چاتمیر،
اورییم آتمیر،
بلکه من ده
تورپاغین سن یاتان قاتیندایام، اوغلوم.
آغلاما، قوربانین اولوم.
منیم ده گؤزلریم دولار،
بو دا سنه بیر درد اولار، اوغلوم...
تاریخ
2017.05.26 / 11:46
|
مولف
Axar.az
|