Axar.az
یوخاری


اوچ آرتیق - حکایه

آنا صحیفه ادبیات
12 Punto 14 Punto 16 Punto 18 Punto

کولت. آذ یئنی عصرین ان قیمتلی یازیچیلاریندان ساییلان اتقار کرتین «نیو-یورکر»ده درج اولونان حکایه‌سینی تقدیم ائدیر.

اونو بیرینجی پ.ت. گؤرور. توپ اویناماق اوچون پارکا گئدیردیک کی، قفیل دئییر:

– آتا، باخ!

او، باشینی آرخایا اییب گؤزلرینی مؤحکم-مؤحکم قییاراق گؤیه باخیر. باشیمیزا کوسمیک گمی، یا دا پیانو دوشدویونو تصوور ائتمه‌یه ماجال تاپمامیش، اورییمه دامیر کی، بوندان داها پیس حادثه باش وئریر. اما پ.ت.-نین نیه باخدیغینی گؤرمک اوچون چئوریله‌نده عیبه جر، دؤرد مرتبه‌لی بینا ایله قارشیلاشیرام. سوواقلی بینا کولرلرله دولودور، بونا گؤره ده دریسی سیزاناقلارلا اؤرتولموش خسته‌یه بنزییر. بینانین دوز اوستونده پارلایان گونش گؤزلریمی قاماشدیردیغی اوچون داها یاخشی باخیش بوجاغی سئچمه‌یه چالیشارکن پ.ت.-نین سسینی ائشیدیرم:

– او، اوچماق ایسته ییر.

ایندی بینانین دامینین مهججرلرینه سؤیکنیب منه باخان آغ، دویمه‌لی کؤینه یی اولان آدامی داها آیدین گؤره بیلیرم. پ.ت. پیچیلداییر:
– او، سوپئر-قهرماندیر؟

اونا جاواب وئرمک اوزینه دامداکی آداما قیشقیریرام:

– ائلمه!

او، هئچ نه ائلمه‌دن منه باخیر. یئنیدن قیشقیریرام:

– خواهیش ائدیرم، ائلمه! اورا نیه چیخدیغینی بیلمیرم، اما اینان منه ایندی چیخیلماز وضعیتده اولدوغو دوشونسن ده، بونون عهده‌سیندن گله‌جکسن! اگر ایندی اؤزونو آتسان، بو دونیانی چیخیلمازلیق دویغوسو ایله ترک ائد‌جکسن. سنین حیاتلا باغلی سون خاطرن بو اولاجاق. نه عائله، نه سئوگی، تکجه مغلوبیت. منه ان عزیز شئی لره آند اولسون کی، اگر اؤزونو ساخلاسان، حیس ائتدیین آغری گئتدیکجه آزالماغا باشلایاجاق و بیر نئچه ایل سونرا سنه قالان یالنیز پیوه ایچه-ایچه دوستلارینلا پایلاشاجاغین غریبه احوالات اولاجاق. اونلارا بیر دفعه اؤزونو دامدان آتماق ایسته دیینی و تانیمادیغین بیر کیشینین سنی فیکریندن داشیندیردیغینی دانیشاجاقسان…

– نه؟ – دامداکی اوغلان قولاغینی گؤستریب قیشقیریر. یقین کوچه‌دن گلن سس لره گؤره منی ائشیده بیلمیر. بلکه ده یوخ، آخی من اونون "نه؟" قیشقیردیغینی چوخ یاخشی ائشیتمیشدیم. اولا بیلسین، ساده‌جه آغیر ائشیدیر.

بو واخت آیاقلاریمی قوجاقلایان، اما نهنگ باوباب آغاجینی قوجموش کیمی قوللارینین آراسینا آلا بیلمه‌ین پ.ت. قیشقیرا-قیشقیرا سوروشور:

– سنین سوپئر گوجلرین وار؟

اما اوغلان یئنیدن قولاغینی گؤستریر، ائله بیل، کاردیر.

– بئزمیشم! بس‌دیر! نه قدر اولار آخی؟ – قیشقیریر.

پ.ت. اونونلا دانیشماغا داوام ائدیر، سانکی آرالاریندا دونیانین ان عادی صحبتی گئدیر:

– نه دورموسان؟ اوچ دا!

هر شئیین مندن آسیلی اولدوغونو بیلدییم اوچون استرس کئچیرمه‌یه باشلاییرام.

ایشده بئله شئی لر چوخ اولور. ائوده ده. بیر دفعه کیننرت گؤلونه گئدنده ایلجی باسماق ایسته دیم، اما تکرلر کیلیدلنمیشدی. ماشین یول بویو سوروشمه‌یه باشلایاندا اؤز-اؤزومه دئدیم کی، "یا وضعیتی اله آلیرسان، یا دا هر شئی بیتیر". من وضعیتی اله آلا بیلمدیم، بیرجه لیات کمرینی باغلامامیشدی، او دا اؤلدو و منی اوشاقلارلا تک قویدو. پ.ت.-نین ایکی یاشی واردی، یاخشی دانیشا بیلمیردی، اما آمیت "آنام نه واخت قاییداجاق؟" سوالینی وئره-وئره قالمیشدی. هله من دفندن سونرانی دئییرم. اونون آرتیق سککیز یاشی واردی، بو یاشدا اوشاقلار اؤلومون نه اولدوغو بیلملیدیرلر، اما او سوروشماغا داوام ائدیردی. بیتمه‌ین، بئزدیریجی سواللار اولماسا دا، بونون منیم سهویم اولدوغونو بیلیردیم و دامداکی اوغلان کیمی هر شئیه سون قویماق ایستییردیم. آنجاق بو گون من بوردایام، ال آغاجینین کمکی اولمادان گزیرم، سیمونا ایله یاشاییرام، یاخشی آتا اولماغا چالیشیرام.

بوتون بونلاری دامداکی آداما دا دئمک ایستییرم. اونون اؤزونو نئجه حیس ائتدیینی بیلدییمی، اؤزونو آتیب کوتلت کیمی سکییه یاپیشماسا، هر شئیین کئچه جه یینی دئمک ایستییرم. من نه دئدییمی یاخشی بیلیرم، چونکی بو دقیقه بوتون پلانتده هئچ کیم منیم بیر واختلار اولدوغوم قدر میسکین وضعیتده دئییل.او، ساده‌جه اوردان دوشوب اؤزونه بیر هفته واخت وئرمه‌لیدیر. بیر آی. حتی لازیم گلسه، بیر ایل. اما بونلاری سندن دؤرد مرتبه یوخاریدا اولان، قولاغی یاخشی ائشیتمه‌ین آداما نئجه چاتدیراسان؟

بو واخت پ.ت. الیمی دارتیشدیریب دئییر:

– اونون بو گون اوچماق فیکری یوخدور، آتا. گل قارانلیق دوشمه میش پارکا گئدک.

اما من یئریمدن ترپه‌نمه‌دن وار-گوجومله قیشقیریرام:

– اونسوز دا آداملار اؤزلرینی اؤلدورمه‌سه‌لر ده، میلچک کیمی قیریلیرلار. ائلمه. خواهیش ائدیرم، ائلمه.

دامداکی اوغلان باشینی یئللییر – دئیه‌سن، بو دفعه دئدیکلریمدن نسه ائشیتمیشدی – و قیشقیریر:

– هاردان بیلدین؟ اونون اؤلدویونو هاردان بیلدین؟

ایستدیم، "همیشه کیمسه اؤلور" دئیه‌م. همیشه. او اولماسین، باشقاسی اولسون. اما بو اونو آشاغی دوشمه‌یه راضی سالمایاجاق. اونا گؤره بئله دئییرم:

– بوردا اوشاق وار، – پ.ت.-نی گؤستریرم. – او، بونا شاهید اولمامالی‌دیر.

پ.ت. قیشقیریر:

– یوخ، ایستییرم! گؤرمک ایستییرم! دایانما، قارانلیق دوشمه میش اوچ!

دئکابردیر و هاوا دوغرودان دا تئز قارالیر.

بو اوغلان اؤزونو آتسا، او دا منیم بوینومدا قالاجاق. خسته خانانین پسیخولوقو ایرئنا سندن-سونرا-ائوه-گئده‌جم باخیشلارینی منه زیلله‌ییب "سن هامییا گؤره مسولیت داشییا بیلمزسن. بونو باشا دوشمه‌لیسن" دئیه‌جک. من باشیمی ترپه‌ده‌جم، چونکی ایکی دقیقه سونرا سئانسین بیته جه یینی، اونون قیزینی باغچادان گؤتورمه‌لی اولدوغونو بیلیرم. اما بو هئچ نه یی دییشمه‌یه‌جک، چونکی او کار اوغلانی دا آمیتین شوشه گؤزو و لیاتین خاطره‌سی ایله بیرلیک‌ده چینیمده داشیمالی اولاجام.

– منی گؤزله! – قیشقیریرام. – سنینله دانیشماغا گلیرم!

– من اونسوز یاشایا بیلمرم. بیلمرم! – قیشقیریر.

– بیر دقیقه گؤزله، – چیغیریب پ.ت.-یه دئییرم، – گل، عزیزیم، گل داما چیخاق.

پ.ت. همیشه بیچاغی سانجمامیشدان اول ائله دیی کیمی باشینی یئللییر.

– او اوچسا، بوردان داها یاخشی گؤره بیلریک.

– او، اوچمایاجاق، – دئییرم. – بو گون یوخ. گل بیر دقیقه‌لیک اورا گئدک. آتان او آداما بیر سؤز دئمه‌لیدیر.

اما پ.ت. ترسلیینه سالیر.

– بوردان قیشقیر دا، – او، الینی الیمدن چیخاریب اؤزونو یئره آتیر، عادتا سیمونا و منیمله آلیش-وئریشه گئدنده بئله ائدیر.

– گل داما قدر یاریشاق، – دئییرم. – اگر اورا بیرنفسه چیخا بیلسک، پ.ت ده، آتا دا موکافات اولاراق دوندورما یئیه‌جک.

– دوندورما ایستییرم! – پ.ت. سکیده یووارلانیب میزیلداییر. – ایندی ایستییرم!

اونون کاپریزلرینه دؤزمه‌یه واختیم یوخدور. اونو قوجاغیما آلیرام. چیغیر-باغیر سالسا دا، فیکیر وئرمیرم و بینانین قاپیسینا طرف قاچیرام.

– اوشاغا نه اولوب؟ – دامداکی اوغلان قیشقیریر. جاواب وئرمیرم. بلکه من چاتانا قدر ماراقدان اؤزونو آتماز.

پ.ت. آغیردیر. قوجاغیندا بئش یاش یاریملیق اوشاقلا پیلله‌لری قالخماق چتیندیر، اوشاق یوخاری چیخماق ایستمیرسه، خصوصیله چتیندیر. اوچونجو مرتبه‌ده تامام تنگنفس اولورام. یقین کی، پ.ت.-نین قیشقیریغینی ائشیدن گونبول، قیرمیزی ساچلی قادین قاپینی شاققیلتی ایله آچیر و کیمی آختاردیغیمی سوروشور، اونون سوالینا جاواب وئرمه‌دن پیلله‌لری چیخیرام. اونا جاواب وئرمک ایسته‌سم ده، هاوام چاتمازدی.

– یوخاریدا هئچ کیم یاشامیر، – دئییر آرخامجا. – پیلله‌لر داما آپاریر.

او، "دام" دئیه‌نده سسی جینگیلدییر، پ.ت. اونون قیشقیریغینا جاواب اولاراق زارییا-زارییا "دوندورما ایندی! ایندی!" دئییر.

اللریم دولو اولدوغو اوچون – قوجاغیمدا زیریلداماغی کسمه‌ین پ.ت.-نی توتموشام آخی – قاپینی آچا بیلمیرم، اودور کی، وار-گوجومله تپیک وورورام. دام بوشدور. بیر دقیقه اول مهججرین کناریندا دایانان اوغلان یوخدور. او، بیزی گؤزله‌مه‌ییب. اوشاغین نیه قیشقیردیغینی اؤیرنمک اوچون گؤزله‌مه‌ییب.

– او، اوچدو، – پ.ت. بورنونو چکیر. – او اوچدو و سنین اوجباتیندان بیز هئچ نه گؤرمه دیک!

مهججره طرف گئدیرم. بلکه فیکرینی دییشیب بینانین ایچینه قاییدیب. اؤزومو ایناندیرماغا چالیشیرام، آنجاق آلینمیر. آشاغیدا اولدوغونو بیلیرم، بدنینین غیری-طبیعی بوجاق آلتیندا سکییه یاپیشدیغینی دا بیلیرم. بونو بیلیرم، اما قوجاغیمدا بونو گؤرمه‌مه‌لی اولان اوشاق وار، چونکی گؤرسه، عؤمرونون سونونادک تراومالی قالاجاق، اونسوز دا بو یاشیندا چوخ شئی لردن کئچیب. لاکین آیاقلاریم منی دامین کنارینا آپاریر. بو، یارانی قاشیماغا بنزییر. ائله بیل، چوخ ایچدیینی بیلسن ده، یئنی «جهیواس» قدهینی سیفاریش وئریرسن، ائله بیل، یورولدوغونو، حدسیز یورولدوغونو بیلسن ده، ماشین سورورسن.

ایندی بیز دئمک اولار کی، مهججرین یانینداییق، یوکسکلیگی حیس ائتمه‌یه باشلاییریق. پ.ت. داها آغلامیر و هر ایکیمیزین تنگنفس اولدوغونونو حیس ائدیرم، اوزاق‌دان تعجیلی یاردیم ماشینینین سیرئناسی سسلنیر. اؤز-اؤزومه سواللار وئریرم.

– نیه؟ نیه بونو گؤرمک ایسته ییرسن؟ سنجه، بو نیی‌سه دییشه‌جک؟ کیمسه بوندان اؤزونو داها یاخشی حیس ائد‌ه جک؟

قفیل قیرمیزی ساچ‌لی، جیر سسلی قادینین سسینی ائشیدیرم:

– اونو یئره قوی، – چئوریلیب اونا باخیرام، اصلینده نه ایسته دیینی آنلامیرام.

– منی یئره قوی! – پ.ت. ده قیشقیریر. یاد آدامین یانیندا همیشه اؤزونو بئله آپاریر.

– او، هله اوشاقدیر، قیرمیزی ساچلی دئییر، اما سسی تعجبلو درجه‌ده مولاییمدیر. گؤزلری دولوب. سیرئنا سسلری یاخینلاشیر، قیرمیزی ساچلی منه طرف آددیملاماغا باشلاییر. – عذاب چکدیینی بیلیرم، دئییر. – هر شئیین چتین اولدوغونو بیلیرم. اینان منه، بیلیرم. – قادینین سسینده او قدر آغری حیس اولونور کی، پ.ت. میزیلدانماغی کسیب حیرتله اونا باخیر. – منه باخ، – پیچیلداییر قادین. – گونبولام، تنهایام. بیر واختلار منیم ده بالام واردی. اوشاق ایتیرمه یین نه دئمک اولدوغونو بیلیرسن؟ نه ائلدیین باره‌ده آزاجیق دا اولسا، تصوورون وار؟ – هله ده قوجاغیمدا اولان پ.ت. منی برک-برک قوجاقلادی. – گؤر نئجه شیرین اوشاقدیر، – قادین آرتیق یانیمیزدادیر، توپپوش الی ایله پ.ت.-نین ساچلارینا سیغال چکیر.

– بوردا بیر آدام واردی، – پ.ت. ایری، یاشیل گؤزلرینی – لیاتینکیلره بنزییر – اونا دیکیب دئییر. بوردا بیر آدام وار ایدی و اوچوب گئتدی. آتاما گؤره اونون نئجه اوچدوغونو گؤره بیلمه دیک.

سیرئنالار دوز آشاغیدا دایانیر و من مهججره طرف بیر آدیم دا آتیرام، اما قیرمیزی ساچلینین ترلی الی منیم قولومدان یاپیشیر.
– ائلمه، – دئییر قادین، – خواهیش ائدیرم، ائلمه.

پ.ت. پلاستیک ایستکاندا وانیللی دوندورما قاشیقلاییر. من ایسه فیستیقلی و شوکولادلی سیفاریش ائدیرم. قیرمیزی ساچ شوکولادلی میلکشئیک ایستییر. دوندورما دوکانینداکی بوتون ماسالار کیرلیدیر، اودور کی، اؤزوموز اوچون بیرینی تمیزله ییرم. پ.ت. ایصرارلا میلکشئیکین دادینا باخماق ایستییر، قادین اونا ایجازه وئریر. اونون دا آدی لیاتدیر. گئنیش یاییلمیش آددیر. اونون منیم لیاتیمدان، همین قضادان خبری یوخدور. او، بیزیم باره‌میزده هئچ نه بیلمیر. من ده اونون حاقیندا. بیرجه اوشاغینی ایتیردیینی بیلیرم.

بیز بینانی ترک ائد‌نده حکیم لر اوغلانین بدنینی ماشینا آپاریردیلار. یاخشی کی، اوستونه آغ اؤرتوک چکمیشدیلر. قوی بئینیمده بیر مئییتین خاطره‌سی ده اکسیک قالسین.

دوندورمام چوخ شیرین گلیر، پ.ت. ایله قیرمیزی ساچلی ایسه خوشبخت گؤرونورلر. پ.ت. بیر الینده اؤز دوندورماسینی توتوب، او بیری الینی ایسه قادینین میلکشئیکینه اوزادیر. نیه همیشه بئله ائله دیینی بیلمیرم. آخی اونسوز دا اؤز دوندورماسینی یئییر، نیه داها چوخونو ایستییر؟ اونا تپینمک اوچون آغزیمی آچیرام کی، قیرمیزی ساچلی هر شئیین قایداسیندا اولدوغونو ایشاره ائدیب بوشالمیش ایستکانینی اونا اوزادیر. قادینین اوشاغی اؤلوب، منیم آروادیم اؤلوب، دامداکی اوغلان اؤلوب.

– او، ائله شیریندیر کی، – قادین کارتون ایستکانداکی میلکشئیکین سون داملاسینی سوووران پ.ت.-یه باخیب دئییر. او، حقیقتا شیریندیر.

تاریخ
2020.05.19 / 11:33
مولف
آیتاج قدیراوا
شرح لر
دیگر خبرلر

صمد بهرنگیدن اوشاقلارا تؤهفه - مهببت افسانه‌سی

سککیز اوجلو شو یولدوز دا سککیز هرلی اود یوردو- شعیر

محمدامین رسولزادنین آذربایجانلا باغلی مودحیش نیطقی

کونلومده کی گیزلین سوزی, دیلدن آلدیم تئله وئردیم...

سن ای ساغا، سولا قیلینج ووران قول! - شاعریمیزین ایستیقلال شعیرلری

سنی اونوتماریق بیز وطن آندیمیز کیمی!

هارداسان … گل کی سینه‌م طاقچاسی سازدان دولودور- شعیر

گل، اول حیات‌دا یولداش اولاق بیز- شئیر

طایفایا سس دوشور کی، حاج حسنقولونو ایلان چالیب-حکایه‌

عشقدن جانیمدا بیر پنهان مرض وار ای حکیم... - محمد فضولی

خبر خطّی
 
Axar.az'da reklam Bağla
Reklam
Bize yazin Bağla