تبریزین غربینده پارتلاییش سسلرینین سببی آچیقلاندی
12:17
آنا صحیفه ادبیات |
کولت. آذ قاسیم بی زاکیرین "آراسیندا" شعرینی تقدیم ائدیر:
یار دئمیشدی، گلن بایراما گللهم،
عؤمور باشا یئتدی ایل آراسیندا.
توتوب سری-زولفون، دؤنوب باشینا،
شانه تک گزهسن تئل آراسیندا.
قایداسیدیر، قارا چارقات بورونور،
سیاه زولفون اوجو یئردن سورونور.
نه گؤیچک یاراشیر، نه خوش گؤرونور،
مینا، اینجی کمر بئل آراسیندا.
گؤزومون یاشینا قرق اولدو تنیم،
بو حال ایله ایشیم موشکولدور منیم.
سندن آیریلالی، ای گول بدنیم،
حق بیلیر قالمیشام سئل آراسیندا.
پیرانسر کؤنول هر کیمه یئتر،
اوشاق طبیعتدیر، گؤردویون ایستر.
اونون سؤزلرینه قاتیشما، دیلبر،
دلی یولا گئدر ائل آراسیندا
تاریخ
2020.02.19 / 14:05
|
مولف
آیتاج آراز
|