کولت. آذ تورکییه ادبیاتینین نمایندهسی اولان آتیللا ایلحانین "آیریلیق سئودایا داخیل" شعیرینی تقدیم ائدیر:
آچیلمیش سارماشیق گوللرینین
قوخولارییلا بیهوش
ان گؤرکملی ساعتیندا اولدوز آیدینلیغینین
گیزلی بیر ایلان کیمی یووالانمیش
ایچیمده کدر
اوزاق بیر تلفوندا آغلایان
یاغمورلو گنج قادین
روزگار
اوزاق قارانلیقلارا قووموش اولدوزلاری
بنؤوشیی قیغیلجیملار کئچیر
داغینیق یالنیزلیغیمدان
اونو چوخ آراییرام اونو چوخ آراییرام
هر یئرینده بدنیمین
آغیر یانیق آغریلاری
بیر یئرلره ایلدیریم دوشورهم
آیریلدیغیمیزی حس ائتدییم آن
دمیرلر اریییر حیرسیمدن.
آی ایشیغینا باتمیش
قارا بیبر آغاجلاری
گوموش توزو
گئجهنین ایرماغیندا اوزور زانباقلار
یاسمنلر اونودولموش
ناراحات تبسوملر
چونکی آیریلماغین دا وحشی بیر دادی وار
ائله بیر داد کی دؤزولهسی دئییل
چونکی آیریلیق دا سئودایا داخیل
چونکی آیریلانلار هله ده سئوگیلی
هئچ بیر آنی تک یاشایا بیلمزلر
هر آن اونونلا بیرلیکده
هر شئی اونونلا علاقهلی.
تلاشلی ظلمتده یومشاق یاراسالار
گئتدیکجه آرتان
یانمیش اوت قوخوسو
اولدوزلار اینانیلماز بؤیوکلوکده
ایشیقلاری توتوب بوتون ساحلی
چونکی آیریلماغین دا وحشی بیر دادی وار
ائله بیر داد کی دؤزولهسی دئییل
چونکی آیریلیق دا سئودایا داخیل
چونکی آیریلانلار هله ده سئوگیلی
یالقیزلیق
سرعتله آلچالان بولودلار
قارانلیق بیر آغیرلیق
هاوا آغیر تورپاق آغیر یارپاق آغیر
سو توزلاری یاغیر اوستوموزه
آزادلیغیمیز یوخسا تنهالیغیمیزدیرمی
سؤنوک بنؤوشهیه چالان سیسلی لاجیورد
دومان دؤورهلهدی مئشنی
قارانلیق چؤکدو دنیزه
یالقیزلیق
چاخماق داشی کیمی سرت
آلماز کیمی کسکین
ها طرفه دؤنسن بیر یئرین کسیلر
چوخ قان ایتیررسن
قاپینی دؤین اولمادیمی هله
قولوندان توتان
بیلکلری بمبیاض قو قوشو بوینو
بارماقلاری اوزون و اینجه
قاینار باخیشلاری جینایت شریکی
اوتانجاق باخیشلاری گیزلینجه
یالقیزلارین ان بؤیوک دردی
نیه یارار آزادلیق تنهالیقدا
ایچیندن چیخا بیلمدیکلری بو
اؤلو بیر پلانتین
سویوق تنهالیغینا بنزهمهسین دئیه
آزادلیق موطلق بؤلوشولهجک
جینایت اورتاغی بیر سئوگیلیله
سانمیشدیق کی ایکیمیز
یئر اوزونده آنجاق
بیر-بیریمیز اوچون واریق
تک آداملیق بیر تنهالیغا بئله
راحتجا سیغاریق
هئچ یانیلمامیشیق
هر آن یئره دوشوب
بوللور بیر فینجان کیمی
دوز پارچالاری اولساق دا
هله ایچیمیزده او وولکان آغزی
او قیپقیزیلی گولومسهیهن
- سانکی آتشدن بیر تبسوم -
زهر-زققوم عشقیمیز