رقیه عبدلی گونئی آذربایجانلی شاعره‌لردن بیریدیر. او، شعرلرینی سازاق لقبی ایله قلمه آلیر. اونون "ساتیلمایان وطندیر" شعری بیر نؤع ترک ائدیلیشلره حصر اولونوب. قیمتله اؤلچولمه‌یه‌ن نسلرین ساتیلماسی، آتیلماسی، ترک ائدیلمه‌سی اونون بو شعرینده عکسینی تاپیب. ساتیلمایان ندیر؟ عؤمرون شیرین و آجی گونلری؟ یوخسا اؤلچوسو اولمایان سئوگی حسی؟ یا اؤولادی بویا-باشا چاتدیران، اونون اوچون آز قالا حیاتینی اورتایا قویان آتا-آنا؟ بلکه مین بیر اذیتله دونیایا گتیریلن اؤولاددیر ساتیلان؟ بوتون بونلارا جوابی ایسه شاعره‌نین قلمه آلمیش شعرینده تاپاجاغیق.

کولت. آذ رقیه عبدیلینین "ساتیلمایان وطندی…" شعرینی تقدیم ائدیریک:

هئچ نه‌یین قیمتی یئرینده دئییل،
هئچ نه‌یی ساتماغا راضیلانمیرام.
بیر عؤمور چکدیگیم آجی گونلری
بیرآن شیرین دئییب، شیرین آنمیرام.

عؤمرومو ساتمیرام، اؤلچو قابی یوخ،
سئوگینی اصلا یوخ! سئوگی ساتیلماز؛
کسیلر ات اوزدن کسیلر دیرناق
سئون اورک هئچ واخت، هئچ واخت آتیلماز

ساتماغا بیر ماتاه، بیر عیار داشی،
گتیر آللاه، گتیر ،گتیر مئیدانا.
بیرآبیر بازاردا ساتیب آلینماز
بیرده ساتیلمایان آتادیر، آنا.

ائولادی ساتانلار، آلانلار اولور
چون کی زامان- زامان ائولاددا ساتیر.
نئجه کی بوغازا ییغیلسا جانی
آتا دا، آنا دا، ائولاد دا آتیر.

منی سه عاییلم جان تک بسله‌ییب،
من ده ائولادیمی‌بسله‌مکده‌یم.
ساتماییب، ساتمارام، ساتمایاجاقدی،
اؤلوم! ساتقینلیغا سسله‌مکده‌یم.

چوخ سؤزدن گل ساویش اسیملی «سازاق»
یاشامین دب‌لری چوخدو اؤتندی.
آتا تک، آنا تک، سئوگیلی جان تک
تورکه ساتیلمایان دیلدی، وطندی…