یوخاری

آقشین ائوره‌ن‌دن آتاسینا گئجه تلگرامی - ویدئو

آنا صحیفه ادبیات
12 Punto 14 Punto 16 Punto 18 Punto

آقشین ائوره‌ن آذربایجانین مدرن پویزییاسینین، معاصر نظمینین سای سئچمه شاعرلریندندیر.

Kult.az خبر وئریر کی، اونون شعیرلری ماهیت اعتباری ایله آجیلاردان یوغرولوب. بلکه ده بو سبب‌دندیر کی، چوخ اینسانین اوریینه، زهنینه، ایلیینه بئله یول تاپیر.

شاعر، "آتاما گئجه تلگرامی" آدلی شعیری اوچون بو یاخینلاردا - فورالین ۱-ی بئله بیر آچیقلاما پایلاشمیشدی:

"بو گون آتامین یارالانیب، معجزه‌لی شکیل‌ده ساغ قالماسین‌دان ۲۶ ایل اؤتور. بو شعیر بیر اؤولادین تکجه آتاسی یوخ، هم ده حیات قارشی‌سیندا حساباتی‌دیر. دوغرودان دا من پارتلامایان مرمیلره تشکر ائلدیم، آیاق‌سیز بیرینی گؤره‌نده آخسادیم کی، تک قالماسین. دوغوم گونون موبارک، آتا".

سؤزوگئدن شعیری تقدیم ائدیریک:

آتاما گجه تلگرامی

من یاخشی اینسان اولدوم، آتا، یاخشی اینسان اولدوم
حیاتلا یاخشی کئچیندیم کی، سنی من‌دن آلماسین
کیشی کیمی یوخ، اینسان کیمی آغریدیم
آیاق‌سیز بیرینی گؤره‌نده آخسادیم کی، تک قالماسین
من چوخ‌لو اینسان اولدوم، آتا، چوخ‌لو اینسان اولدوم
عمرونو قارانلیغا اؤتوره‌ن بیرینه...
گؤزلرینی ایتیره‌ن بیرینه گول قوخلاتدیم
ایناندیردیم کی، گول باخماق اوچون یوخ، ایله‌مک اوچون‌دور
قولاغی ائشیتمه‌یه‌ن قونشو عوض دایییا
گولوم‌سه‌یه‌ن اوشاق شکیللری گؤستردیم
آخی اوشاقلارین شکلی ده گولوشلری ائشیتمک اوچون‌دور
بوتون گولّه لره قوجاق آچدیم، آتا،
پارتلامایان مرمیلری تاپیب هامی‌سینا تشکر ائلدیم
یاخشی اینسان اولدوم، آتا، یاخشی اینسان اولدوم
بیرجه... سنین قدر اولا بیلمدیم.

تاریخ
2019.02.04 / 11:14
مولف
آیتاج آراز
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla