یوخاری

آینانین قارشیندا دوروب

آنا صحیفه ادبیات
12 Punto 14 Punto 16 Punto 18 Punto

کولت آذ آرش احمدی‌نین شعرینی اوخوجولارینا تقدیم ائدیر:

آینانین قارشیندا دوروب_
اوُزومو آختاریرام...

گوُزلریمده پاییز آخشامی
ایسلاق خاطیره لر
باخیشلاریمدا بیر بوش یئر
سندن اوزاقلار...

دوداقلاریمدا قیرمیزی عوصیان لار
یاشیل اعتیراض لار...

دیشلریمین آراسیندا سیخدیغیم یارالار!

چئیین لریمن آرخاسیندان ایکی دورنا اوچوب گئدیر_
قولاقلاریمدا حزین بیر ماهنی
آنلیمدا یاشام آدلی بیر حیکایه نین آغریلاری...

ساچلاریمدا تنهالیق دان اوشودویوم بیر قیش گئجه سی
آق قارا ساچلار...

بئلیمده دوستلاریمدان قالان خیانت خنجرلری...

اللریم یالقیز
اللریم یازیق
کیمسه سیز...

قیچلاریم
یورغون
سونا چاتمیش یول
کوُلگه مین آرخاسیندا ییخیلمیش...

آه
بیلیرسن دوستوم
قلبیمی اونوتدوم
قلبیم
آرزولاریمین مزاری...

تاریخ
2019.02.08 / 09:58
مولف
آرش احمدی‌
شرح لر
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla